Pas peticionit drejtuar ish-kryeministrit Sali Berisha dhe protestës së banorëve në Kodër-Kamëz, që kërkonin lejimin e Bashkisë së Tiranës për ndërtimin e shkollës së re “Nënë Tereza”, sot ka ardhur tërheqja. Senati i Universitetit Bujqësor të Tiranës i ka dhënë të drejtë Bashkisë së Tiranës dhe komunitetit të zonës në Kodër-Kamëz, duke deklaruar se nuk mund të mohohet nevoja që kanë banorët për një shkollë të ciklit parauniversitar, ashtu siç nuk mund të mohohet edhe interesi i lartë publik që vepra mbart në vetvete.
"Ndërtimi i shkollës është domosdoshmëri. Shkolla është vepër e mirëpritur. Takimet e ditëve të fundit qartësuan marrëdhëniet juridike dhe procedurale. Senati mbështet unanimisht marrëveshjen e lidhur mes UBT-së, ministrisë dhe bashkisë së Tiranës për paktin për universitetin" thuhet ndër të tjera në deklaratën e Senatit të Bujqësorit. Kështu rektori i universitetit, grupi i pedagogëve dhe studentëve me në krye dhëndrin e Berishës, Jamarbër Malltezi në protestë janë tërhequr duke i hapur rrugën shkollës së re. Disa orë përpara protestës së sotme të lajmëruar nga PD, mbyllet një tjetër protestë e opozitës.
Tashmë shkolla “Nënë Tereza” do të ndërtohet sipas gjurmës së përcaktuar nga Bashkia e Tiranës në studimin për përmirësimin e infrastrukturës arsimore në qytetin e Tiranës. Vendimi i Senatit erdhi pas arritjes së marrëveshjes për ndërtimin e shkollës së re në Kodër Kamzë midis Bashkisë Tiranë, Universitetit Bujqësor të Tiranës dhe Ministrisë së Arsimit, Sportit e Rinisë, pasi fillimisht UBT-ja pretendonte se në atë territor do të ndërtohej kampusi, por e vërteta ishte ndryshe.
Bashkia e Tiranës ka përshëndetur dhe mirëpret vendimin e Senatit dhe Rektoratit të UBT-së, i cili i hap dritën jeshile ndërtimit të shkollës “Nënë Tereza”, e cila 'është një domosdoshmëri për banorët e zonës së Kodër-Kamzës dhe qytetit të Tiranës'.
po ish deputete e pd dhe ata 10-15 veta te paguar nga ata thane thane se duhet te kalonin mbi trupat e tyre per te ndertuar shkolle aty....ah mor legena kriminele se jeni bere gazi i botes.te protestosh kunder ndertimit te nji shkolle do te thote qe jeni me te vertete shpellar te epokes se gurit. kur zbuluan qe ishte projekti i tyre per ate shkolle dhe vetem per te bere rremuje kunder qeverise bene dhe nje gje te mire:i hoqen pike vetes duke ja bere te ditur botes qe jeni legena dhe nuk meritoni vemendjen e respektin e asnje votuesi e cdo njeri tjeter.....
Përgjigju