POP 5

Lajmet më të lexuara të 5 minutave të fundit

Kronikë

Universiteti Politeknik dhe i Sporteve bëjnë mësim edhe të shtunën, zëvendësohen orët e humbura

Dhjetëra studentë frekuentuan mësimin këtë të shtunë, por megjithatë mjaft prej tyre refuzojnë ta pranojnë faktin se mësimi rifilloi dhe se atyre tashmë u duhet të ulen në auditore dhe të rinisin aty ku e kanë lënë ciklin e leksioneve dhe seminareve, për të mos rrezikuar vitin akademik. 

Universiteti Politeknik dhe i Sporteve bëjnë mësim edhe të shtunën, zëvendësohen orët e humbura

Universiteti i Sporteve në Tiranë

Universiteti Politeknik i Tiranës dhe ai i Sporteve zhvilluan mësim edhe ditën e shtunë, për të rikuperuar orët e humbura mësimore gjatë protestës së studentëve. Nga një vëzhgim i thjeshtë rezultoi se të paktën këto Universitete zhvilluan mësim edhe gjatë fundjavës, duke rikthyer kështu normalitetin në auditore. Dhjetëra studentë frekuentuan mësimin këtë të shtunë, por megjithatë mjaft prej tyre refuzojnë ta pranojnë faktin se mësimi rifilloi. Zv/Rektori i Universiteti të Sporteve, Robert Çitozi, tha se, “ky vendim është marrë bashkë me studentët”. Ai tha se, “ky Universitet do ta mbarojë programin mësimor në kohë”.

“Në fillim të janarit, pjesëmarrja e studentëve në mësim filloi të ketë një rritje graduale dhe sot jemi si në një ditë të zakonshme, jemi në nivelin 70% të pjesëmarrjes së studentëve në auditorë”, tha ai. “Ju e patë vetë që në çdo auditor po zhvillohej mësim. Ne, si staf pedagogjik kemi qenë çdo ditë në punë, për të zhvilluar mësim edhe gjatë fundjavës, ne kemi marrë edhe konsensusin e studentëve”, shtoi zv/Rektori.

Disa studentë të këtij Universiteti të pyetur se çfarë mendojnë për “Paktin për Universitetin”, një studente tha se “ne nuk duam të humbasim vitin shkollor, por jemi edhe pro protestës”. “Po zhvillojmë mësim edhe të shtunën e të dielën për të zëvendësuar ditët që humbëm gjatë bojkotit”. Një tjetër studente e vitit të dytë tha se ishte pro protestës së studentëve, por nuk kishte marrë pjesë në protestë dhe kishte ndjekur mësimin rregullisht. “Unë nuk isha dakord që protesta të zgjatej kaq shumë, ne tani po i zëvendësojmë orët e mësimit duke bërë mësim të shtunave dhe të dielave”./ATA/

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 30 Mars, 00:06

    Programi i PS, a ju duken të realizueshme objektivat ekonomikë?

Lajme të tjera



×

Lajmi i fundit

Europa lëshon raketën e parë orbitale, shpërthen 30 sekonda pas lëshimit

Europa lëshon raketën e parë orbitale, shpërthen 30 sekonda pas lëshimit

31 Mars, 12:50