UNMIK-u nuk komenton zgjedhjet serbe në Kosovë

Pas vendimit të Kryetares së Kuvendit të Serbisë Slavica Gjukiq-Dejanoviq për mbajtjen e zgjedhjeve më 6 maj dhe deklaratës që masat për mbajtjen e këtyre zgjedhjeve do të bashkërendohen me UNMIK-un, ende nuk ka qëndrim zyrtar nga UNMIK.

Zëdhënësi i Misionit të Kombeve të Bashkuara në Kosovë(UNMIK), Oliver Salgado ka thënë për Radio Kosovën se ata ende nuk janë kontaktuar nga institucionet e Serbisë.

“Nuk dua të komentoj shumë rreth zgjedhjeve të Serbisë në veri”, tha për Radio Kosovën Salgado.

Sipas preambulës në Kushtetutën e Serbisë, Kosova identifikohet si pjesë e Serbisë, edhepse Kosova e ka shpallur pavarësinë e saj katër vjet më parë dhe është e pranuar nga 88 shtete.
/rg/shqiptarja.com/