POP 5

Lajmet më të lexuara të 5 minutave të fundit

Kultura

Ura e Zogut drejt shembjes, drejtoresha: Po bashkëpunojmë me institucionet për projektin

Ura e Zogut, monument kulture i kategorisë së parë rrezikon shembjen. Drejtoresha e Institutit të Trashëgimisë Kulturore, Arta Dollani, thotë se pas vëzhgimit të specialistëve në terren, do të vijohet me projektin edhe masat ndaj kësaj situate

Ura me tre harqe, ndryshe e njohur si Ura e Zogut, ndonëse monument kulture që nga viti 1999, pas reshjeve të fundit të shiut ka pësuar çarje dhe rrezikon shembjen.  

Shtrati i urës së ndërtuar prej afro një shekull dhe e vlerësuar për stilin e harqeve, këto ditë është fundosur me rreth 40 cm të tjera.

Specialistët e Institutit të Trashëgimisë Kulturore pas vëzhgimit të shkallës së këtij degradimi në terren, do të vijojnë punën në bashkëpunim me Baskinë e Kurbinit, Ministrinë e Mbrojtjes dhe Ministria e Infrastrukturës

Këtë e konfirmon për “ReportTV” drejtoresha Arta Dollani, e cila thotë se: “Specialistet kanë qenë në terren dhe u jemi drejtuar edhe institucioneve të tjera që e kanë në kompetencë ndërhyrjen në këtë objekt për të vijuar me projektin dhe masat”.

Por, përpos reshjeve ky degradim vjen edhe si pasojë e marrjes së inerteve pranë këmbëve të urës. Kamionët e Kompanisë Salillari derdhin çdo mbetje të ngurtë në lum e më pas ngarkohen me zhavorr të cilin e sigurojnë duke gërryer lumin, ndërsa autoritetet përgjegjëse vijojnë të heshtin, duke mos marrë asnjë masë për frenimin e këtij fenomeni që po sjell mjaft pasoja.

Ura e Zogut është projektuar nga inxhinieri italian Martini. Projekti është zbatuar nga inxhinieri Gjovalin Gjadri.

 

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça