Epoka e re e turizmit në Shqipëri vijon të hapë rrugë të reja bashkëpunimi dhe partneriteti. Që prej datës 28 mars, linja e mirënjohur ajrore Iberia ka nisur operimin në Shqipëri duke lidhur direkt Tiranën me Madridin. Sot, ky partneritet u përshëndet nga një delegacion i lartë i turizmit spanjoll, që mbërriti në Aeroportin Ndërkombëtar të Tiranës.
Rritja e turizmit është duke hapur përherë e më shumë ura të reja bahkëpunimi mes shteteve dhe kompanive prestigjioze që tregojnë interes për vendin tonë. Nisja e partneritetit mes Aeroportit Ndërkombëtar të Tiranës dhe linjës më të madhe spanjolle, Iberia është parë si një arritje domethënëse edhe nga aspekti i marrëdhënieve strategjike me Spanjën.
Drejtori Operacional i Aeroportit, Piervittorio Farabbi, mirëpriti sot personalitetet e larta të turizmit, të cilët gjatë një konference për shtyp, përgëzuan këtë hap të rëndësishëm.
‘Aeroporti Ndërkombëtar i Tiranës është kthyer tashmë në motorrin e zhvillimit të turizmit në Shqipëri. Fluturimi me Iberian, 3 herë në javë, është një mundësi e shkëlqyer për shkëmbimin kulturor dhe rritjen e bashkëpunimit ekonomik e social mes Shqipërisë dhe të Spanjës. Ardhja e Iberias nuk sjell vetëm turistë nga Spanja, por nga e gjithë bota, nëpërmjet Madridit si qendër lidhëse, sepse Iberia operon në shumicën e vendeve të botës’. – u shpreh Z. Farabbi.
‘Është kënaqësi të fluturoj në Tiranë direkt nga Madrid, me linjën Iberia. Ky zhvillim do të forcojë marrëdhënien Shqipëri – Spanjë në një aspekt strategjik, siç është turizmi. Jam i bindur se kjo linjë do të vazhdojë të ndikojë në rritjen e madhe të numrit të turistëve nga Spanja. Falenderoj, kompaninë Iberia, qeverinë spanjolle që ka mbështetur këtë proces, qeverinë shqiptare, autoritetetin e aviacionit civil, Aerportin Ndërkombëtar të Tiranës si edhe Kastrati Group. Gjithashtu, edhe Tour Espagna, Agjensinë Kombëtare për Promovimin e Turizmit në Spanjë. Faleminderit për këtë urë të rëndësishme mes Spanjës dhe Shqipërisë.’ – u shpreh Alvaro Renedo Zalba – Ambasadori i Spanjës për Shqipërinë.
Epoka e turizmit në Shqipëri është tashmë një fakt që përforcohet nga çdo partneritet i ri me kompani apo qeveri të vendeve të tjera. Nisja e operimit të Iberia në Shqipëri shikohet nga qeveria Spanjolle si një afirmim i bashkëpunimit dhe shkëmbimit të turistëve në rritje mes vendeve.
Delegacioni spanjoll kryesohej nga Z. Felix de Paz Zalba, Kreu i Tour Espagna, Agjensia Kombëtare e Promovimit të Turizmit në Spanjë.
‘Me prezantimin e një linje të re do të thotë që diçka e madhe ndodh. Ardhja e Iberia në Shqipëri është domethënëse sepse është një prej linjave ajrore më të mëdha në botë. Ata vijnë pas një studimi të thelluar, për mundësitë e turizmit dhe elementë të tjerë që do sjellin sukses. Unë dhe qeveria spanjolle jemi shumë të lumtur që jemi tashmë në Tiranë, jemi të lumtur edhe që UNWTO ndodh në Shqipëri dhe shpresojmë që të prezantojmë një epokë të re mes marrëdhënieve Spanjë – Shqipëri, duke qenë se një prej partnerëve më të fortë turistik ka vendosur të jetë partnerë biznesi në turizëm. Fluturimi që erdhëm nga Madrid ishte plot dhe kjo tregon shumë që epoka e re e turizmit është tashmë një fakt.’
Në emër të qeverisë shqiptare, Drejtori i Aviacionit Civil, Maksim Et’hemaj falenderoi kompaninë Iberia si një lidhje e rëndësishme me Europën.
‘Faleminderit Kontrollit Ajror dhe Aeroportit që i përgjigjen me infrastrukturë rritjes së turizmit në Shqipëri. Më shumë turistë do të thotë më shumë fluturime, më shumë kapacitete, më shumë vende të reja pune dhe sigurisht rritje ekonomike për vendin.’ – deklaroi Z. Et’hemaj.
Lajme të tjera
-
Anija e sanksionuar ruse fundoset në Detin Mesdhe, 2 të zhdukur
24 Dhjetor, 15:12 -
Spanjë/ Grabitën 13 banesa në seri në zonën e Madridit, çmontohet organizata e shqiptarëve, 5 të arrestuar! Përdornin makina me qira (FOTOT)
23 Dhjetor, 16:49 -
'Gjithmonë gati, të përpiktë dhe besnikë', media spanjolle i bën 'skaner' mafias shqiptare: Ata nuk flasin kot
22 Dhjetor, 19:00 -
Kapen me gjysmë ton marijuanë në 'shtëpinë e barit', arrestohen dy shqiptarë në Spanjë
20 Dhjetor, 11:02 -
Në kërkim nga Spanja për trafik droge, arrestohet i riu në Shkodër (EMRI)
19 Dhjetor, 09:37 -
Fotoja e Google Maps zbulon vrasësin që ngarkon trupin në makinën e tij
18 Dhjetor, 16:54 -
Goditet grupi kriminal në Spanjë, 9 në pranga! Sekuestrohen 25 mln euro kriptovalutë! Anëtari i ‘Çopjave’ u pastronte paratë e drogës
18 Dhjetor, 11:40 -
Marisa Paredes, ylli i kinemasë spanjolle, ndërron jetë në moshën 78-vjeçare
17 Dhjetor, 16:12 -
Po bënte 'hiking' me familjen, bie në luginë dhe ndërron jetën miliarderi dhe themeluesi i 'Mango'
14 Dhjetor, 20:20 -
Grabitje në Majorka, arrestohet në Spanjë shqiptari i dënuar për vrasje, ekzekutoi 30-vjeçarin në një koncert në Londër (EMRI)
14 Dhjetor, 17:32 -
Zyrtare/ FIFA: Kupa e Botës 2034 do zhvillohet në Arabinë Saudite, Botërori 2030 në tre Kontinente të ndryshme
11 Dhjetor, 16:46 -
Rekordi/ Pasagjeri i 10 miliontë në Rinas nga Holandë: Surprizë për mua! Drejtori Operacional i TIA-s: Fokusi ynë, zhvillimi i qëndrueshëm
10 Dhjetor, 09:27
