POP 5

Lajmet më të lexuara të 5 minutave të fundit

Ekonomi

Urdhri i Gjiknurit: Kontroll të
gjitha minierave në Bulqizë

Ministri i Energjisë dhe Industrisë Damian Gjiknuri, ka urdhëruar sot kontrollin e të gjitha lejeve minerare në Bulqizë edhe të atyre që punojnë në mënyrë ilegale. Ministri i Energjitikës, ka urdhëruar edhe ngritjen e një grupi pune.
Urdhri i Gjiknurit: Kontroll të<br />gjitha minierave në Bulqizë
TIRANË - Ministri i Energjisë dhe Industrisë Damian Gjiknuri, ka urdhëruar sot kontrollin e të gjitha lejeve minerare në Bulqizë.

Urdhëri është lëshuar gjatë ditës së sotme, ndërsa ministri i Energjitikës, ka urdhëruar edhe ngritjen e një grupi pune, “për vlerësimin e përgjithshëm të aktivitetit minerar sipas detyrimeve të marrëveshjeve koncesionare dhe lejeve minerare të dhëna në zbatim të legjislacionit minerar në fuqi, në rajonin krom mbajtës Bulqizë”.

Ministria e Energjitikës dhe Industrisë bëri të ditur se, “ky grup do të analizojë realizimin e programit të koncesionit, ndërsa do të kontrollohet edhe plotësimi i kushteve të sigurisë dhe të shëndetit në punë të punonjësve të punësuar në aktivitetin minerar”.

Kontrolli do të përfshijë, gjithashtu edhe evidentimin e aktiviteteve të palicensuara që ushtrojnë veprimtari në këtë zonë. Por kontrolli nuk do ndalojë vetëm këtu.

Sipas urdhërit të ministrit Gjiknuri, në planin e punës së këtij grupi, do të jetë edhe kryerja e bilancit të rezervave të mineralit të kromit për secilën leje minerare, duke filluar nga data e hyrjes në fuqi të tyre, ashtu sikurse bilanci i realizimit të prodhimit të mineralit në vite, krahasuar ky me prodhimin e parashikuar në programet e secilës marrëveshje dhe leje minerare.

Grupi i punës do të shqyrtojë edhe realizimin e grafikut të investimeve të kryera sipas detyrimeve të parashikuara në kontratat koncesionare dhe kushteve të vëna në lejet minerare.
 
Redaksia online
(ac/shqiptarja.com)

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

NBA/ Humbje për Cleveland dhe Golden State, Lakers rikthehen te fitorja! Oklahoma kryeson në Perëndim

NBA/ Humbje për Cleveland dhe Golden State, Lakers rikthehen te fitorja! Oklahoma kryeson në Perëndim

28 Nëntor, 12:34