Ardiana Çapi, Drejtore e Drejtorisë Farmaceutike tregon se Ministria e Shëndetësisë ka tërhequr edhe një bar nga tregu. “Që në import kemi vënë filtra sigurie dhe kemi kapur disa barna që nuk konform formës dhe mënyrës se si ato janë regjistruar. Edhe për barnat që janë në treg kemi ushtruar kontroll pasi kemi hasur raste të falsifikimit të konfeksionit të jenë tërhequr nga tregu” thekson Çapi.
Projektligji i ri për barnat parashikon kontrolle të rrepta për 4900 tipet që qarkullojnë në tregun shqiptar. Gjithçka do të bëhet edhe përmes farmakovigjilences, pjese e agjencisë së barnave që do të ngrihet pas miratimit të ligjit. “Detyrojmë” kompanitë që të kenë një person të farmakovigjilencës i cili do ti pasqyrojë këto probleme. Në rastet kur problemet me barnat kanë qenë jashtë territorit të Republikës të Shqipërisë duhet të lajmërojë urgjentisht brenda 15 ditëve dhe agjencive mjekësore në mënyrë që të funksionojë farmakovigjilenca dhe në rast se është e duhur ky bar të tërhiqet nga tregu” thekson drejtoresha e farmaceutikës më MSH.
Faza e dytë e kontrollit të ilaçeve që konsumojmë, është receta elektronike dhe kontrolli i ilaçit në farmaci. Deri atëherë çdo pacient duhet të ketë parasysh rregulla të thjeshta të cilat kanë të bëjnë me mosblerjen e barnave pa pullën e sigurisë. Po kështu një tjetër këshillë e rëndësishme nga ekspertët është edhe ajo e mosblerjes së barnave në internet pasi është shumë e rrezikshme.
Shkrimi u publikua sot (28.01.2014) në gazetën Shqiptarja.com (print)
Redaksia Online
(d.d/shqiptarja.com)
![](https://www.shqiptarja.com/template/img/sh_logo1.png)