X

POP 5

Lajmet më të lexuara të 5 minutave të fundit

Sociale

Urgjenca e pediatrisë plot, mbi 300 fëmijë në 24 orë! Virozat e stinës, fëmijët me temperaturë dhe kollë

Mbi 300 fëmijë paraqiten çdo ditë pranë urgjencës së Pediatrisë në QSUT për të marrë ndihmë mjekësore. Simptomat më të shpeshta janë temperatura, kolla dhe komplikacionet në rrugët e frymëmarrjes.

Për shkak të virozave të stinës, ditët e para të Vitit të Ri i kanë gjetur prindërit në dyert e urgjencës pediatrike në QSUT, ku në 24 orë janë paraqitur mbi 300 fëmijë me problematika të ndryshme shëndetësore.

"Po pres goxha është fëmijë pa bërë 2 muaj, ka rradhë shumë, duhet të presim. Të shmangemi nga sëmundjet e tjera dolëm jashtë.

Do pres në rradhë çfarë të bëjmë, ku ka lek për privat. Ku di unë sa mjek ka brenda, jam i 108-ti në rradhë" - u shprehën disa prindër.

Rastet dominuese të urgjencave i përkasin foshnjave dhe fëmijëve nga 8-13 vjeç. Simptomat më të shpeshta janë temperatura, kolla dhe problemet respiratore.

"Me temperaturë, me kollë, i ka ikur zëri.

Bllokim, me viroza.

Me temperaturë.

Është periudhë e keqe tani, ftohen kalamajt. Me kollë, temperaturë, 9 vjec është cuni" - thanë disa prej prindërve.

Fluksi i madh i urgjencave pediatrike ka nisur që në muajin dhjetor, për shkak të virozave të stinës. Më të prekur, kanë rezultuar fëmijët që frekuentojnë cerdhet dhe kopshtet.

/AV/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A ka politika frikë nga SPAK-u?

Lajme të tjera



×

Lajmi i fundit

Expo-Albania, ja si do të jetë kompleksi modern për organizimin e panaireve

Expo-Albania, ja si do të jetë kompleksi modern për organizimin e panaireve

26 Prill, 08:18