POP 5

Lajmet më të lexuara të 5 minutave të fundit

Politikë

Urimet e munguara të ndërkombëtarëve për Bashën, 72 orë nga kthimi në krye të PD, asnjë mesazh publik urimi

Kur kanë kaluar rreth 72 orë nga rikthimi në krye të PD, Lulzim Basha nuk kanë marrë asnjë urim nga ndërkombëtarët. Në sy bie mungesa e urimeve publike nga parnerët perëndimorë, apo partitë simotra europiane, në një kohë kur Basha premton ta rikthejë PD në pozitat e bashkëpunimit të ngushtë me faktorin ndërkombëtar.

Lulzim Basha u rikthye në krye të PD edhe me premtimin për bashkëpunim të ngushtë me perëndimin, por kur kanë kaluar rreth 72 orë nga kthimi i tij, nuk ka marrë asnjë urim nga ndërkombëtarët. 

Ajo që ra më shumë në sy gjatë këtyre 72 orëve, nuk ishte zhurma që prodhoi procesi, kontestimet mbi të, bojkoti i deputetëve, por edhe heshtja e faktorit ndërkombëtar. Askush nuk e uroi Lulzim Bashën. As përfaqësitë diplomatike në Tiranë, as Partia Popullore Europiane, as partitë simotra në Gjermani, Itali apo vendet e tjera të BE. 

Asnjë urim Lulzim Bashës nuk i erdhi as përtej oqeanit, nga partnerët amerikanë, duke e bërë të parën herë që ndërkombëtarët heshtin. 

Megjithatë, sytë e tyre janë drejt Partisë Demokratike dhe zhvillimeve brenda saj. Burime i thanë Report TV se Gazment Bardhi dhe Jorida Tabaku kanë zhvilluar në fillim të javës së shkuar një takim informal në Tiranë me Zv. Ambasadorin e ri Amerikan. Por, ky takim nuk është bërë publik nga asnjëra prej palëve. 

Ndërkohë po gjatë javës së shkuar Jorida Tabaku ishte në Bruksel ku u takua me Komisionerin për Zgjerimin Oliver Varhelyi, David Mcallester, apo Zv Kryetarin e Grupit të CDU/CSU Johan Wadephul.

Rikthimi në krye të PD i Lulzim Bashës u shoqërua me kundërshtime të forta brenda asaj që njihet si PD zyrtare. Gazment Bardhi dhe Jorida Tabaku, dikur dy bashkëpunëtorët më të afërt të Bashës dolën kundër procesit mbi të cilin ai vendosi të rikthehej. 

Në pikëpyetje mbetet fakti nëse lidhet ky qëndrim edhe me heshtjen e faktorit ndërkombëtar për rikthimin e Lulzim Bashës?

SI.E./S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça