Ushqimet e shpejta shkak
për kancer në zorrën e trashë

Pijet e gazuara, ëmbëlsirat, biskotat, të skuquarat, dihet që nuk janë  të mira për shëndetin .Tani një studim britanik ka nënvizuar lidhjen në mes të një dietë të lartë në ushqime me sheqer dhe yndyrna dhe gjasave për të zhvilluar një tumor.

Në një analizë të publikuar në Gazetën Evropiane të Parandalimit të Kancerit në Universitetin e Edinburgut, studiues skocezë kanë vlerësuar faktorët e mundshëm të rrezikut për kancer të zorrës së trashë: së bashku me pirjen e duhanit dhe inaktiviteti fizik, janë kalkuluar efektet e përafërsisht 170 llojeve të ndryshme të ushqimeve (duke përfshirë edhe fruta, perime, mish, peshk dhe ushqime të shumta, me përmbajtje të kalorive , të tilla si çokollata, patatina dhe pije të gazuara).

Rezultatet e vëzhgimeve të tyre konfirmuan rreziqet e duhanit, pasiviteti fizik, tashmë të njohur si faktorë rreziku. Dyshime të reja vijnë edhe mbi ushqimet e shpejta dhe të thata me sasi të lartë sheqeri dhe yndyre.

Nga studimi skocez shkencëtarët kanë konfirmuar efektin e dobishme të një diete të shëndetshme (të pasur me fruta, perime dhe ushqime të shëndetshme, në përgjithësi) dhe ndikimin negativ të asaj që ata e quajnë "dietë perëndimore", me konsum të lartë të mishit, yndyrës dhe sheqerit.

Sipas shkencëtarëve ende nuk ka një lidhje të drejtpërdrejtë të shkakut dhe pasojës pra ushqimeve dhe kancerit, por është e rëndësishme që njerëzit të kuptojnë rëndësinë e të ngrënit në menyrë të shëndetshme. 

Redaksia Online
(Jetona Koçibelli/shqiptarja.com)