Ushqimet që parandalojnë humbjen
e kujtesës dhe e forcojnë atë

Njerëzit gjithnjë dhe më shumë po vuajnë nga humbja e kujtesës për shkak se truri nuk është më i stërvitur pasi i gjen gjërat gati.
 
Ne nuk e mbajmë mënd një moment të bukur, pasi atë e kemi të fotografuar.
 
Tashmë nuk mundohemi të kujtojmë se çdo bëjmë pasi e shënojmë me “notes” në celular dhe e vendosim orën në zile.
 
Të gjitha këto fakte dhe shumë të tjera, ndikojnë në dobësimin e kujtesës.
 
Sipas studiusve ka një listë ushqimesh që ju ndihmojnë të forconi kujtesën dhe të parandaloni dobësimin e saj.
 
Peshk
Kur është fjala për ushqimet e trurit, peshku yndyror (si salmoni, skumbri dhe sardelet) janë në krye të renditjes. Yndyrat omega-3 janë përgjegjëse për shumë funksione të këtij organi, parandalojnë plakjen e qelizave dhe përshpejtojnë prodhimin e atyre të rejave.
 
Boronica
Një studim i botuar në Journal of Neuroscience zbuloi se boronicat mund të parandalonin humbjen e kujtesës afatshkurtër. Të pasura me antioksidantë, manaferrat e boronicat gjithashtu ndihmojnë në mbrojtjen e trurit nga inflamacioni.
 
Arrat
Sipas një studimi botuar në American Journal of Epidemiology, vitamina E e gjendur me shumicë tek arrat mund të ndihmojë për të parandaluar aftësinë njohëse të trurit.
 
Vaji i ullirit
Vaji i ullirit përmban polifenole, antioksidantë të fuqishëm që mund të parandalojnë sëmundjet dhe humbjen e kujtesës më së shumti gjatë moshës së tretë.
 
Farat e kungullit
Janë të pasura me zink, një mineral i rëndësishëm për forcimin e kujtesës.
 
Redaksia Online
Er.K/Shqiptarja.com