"Deri në ditën kur bota të ketë një vaksinë kundër Covid-19, ushqimi është vaksina më e mirë kundër kaosit", është shprehur kështu në deklaratën e ve Berit Reiss-Andersen, kryetar i Komitetit Norvegjez të Nobelit, pas njoftimit se Programi Botëror i Ushqimit është fitues i Çmimit Nobel për Paqen për vitin 2020.
Ajo e quajti organizatën si një forcë kryesore në luftën kundër urisë dhe tha se pandemia COVID-19, e cila mund të dyfishojë urinë në të gjithë botën, e kishte bërë atë edhe më të rëndësishme.
ËFP drejton një shërbim logjistik dhe ka dërguar mjekime në mbi 120 vende në të gjithë botën gjatë pandemisë për të ndihmuar qeveritë dhe partnerët shëndetësorë të luftojnë COVID-19.
![](https://shqiptarja.com/template/img/NO_ALFA_Kuadrate shqiptarja.png)
Drejtori Ekzekutiv i WFP David Beasley, me anë të një video mesazhi theksoi se është thellësisht i lumtur për këtë çmim.
Nga Gjeneva, zëdhënësi i WFP Tomson Phiri u tha gazetarëve:
“Kur gjithçka ishte pothuajse në fazë përgjumjeje, Programi Botëror i Ushqimit ishte atje. Kur të gjithë po largoheshin dhe vendet po futeshin në kufizime të plota, Programi Botëror i Ushqimit duhej të siguronte mbështetjen logjistike që meritonte bota, që i duhej botës."
Kombet e Bashkuara, e cila mbush 75 vjet këtë muaj, ka fituar vetë Çmimin Nobel për Paqen në të kaluarën, ashtu si edhe disa prej agjencive të saj, duke përfshirë Komisionerin e Lartë për Refugjatët, fondin e fëmijëve UNICEF dhe forcat e tij paqeruajtëse.
Lajmi kryesor:
Programi Botëror i Ushqimit fiton Çmimin Nobel për Paqen
![](https://www.shqiptarja.com/template/img/sh_logo1.png)