Ushtaraku vret me armën e
shërbimit, atentat në Elbasan

TIRANE- Dy vrasje brenda pak orësh janë regjistruar mbrëmjen e djeshme në qytetin e Elbasanit dhe në Tiranë. Viktimat janë Ilir Rexhepi, 40 vjeç pronar i një kompanie policie private, si dhe Mandi Prenga. Policia po punon për të zbardhur motivet dhe autorët e atentatit të Rexhepit, ndërsa për vrasjen në Tiranë, është vënë në pranga si i dyshuar Kujtim Prenga dhe bashkëpunëtori i tij.

ELBASAN
Në Elbasan vrasja u shënua rreth orës 20:00 të mbrëmjes së të premtes. 40 vjeçari u qëllua me disa plumba brenda makinës së tij, në lagjen “Vullnetari”.
Viktima u dërgua menjëherë në spital në gjendje të rëndë, por humbi jetën pak minuta më vonë për shkak të plagëve të rënda.

15 persona janë shoqëruar në ambientet e policisë së Elbasanit, si të dyshuar, por ende nuk ka të arrestuar. Prokuroria ka nisur hetimet për të zbardhur motivet dhe autorët e vrasjes ndërsa mësohet se në vitin 2009, vëllai i viktimës, ish-agjent i antidrogës, është vrarë në 2009, në prag të shtëpisë së tij. Roland Rexhepi, i njohur si "Doda", njihej si krahu i djathtë i ish-komisar Koseni.

TIRANË
Vrasja u shënua rreth orës 22: 00 në Kamëz, në ambietet e Disko “Omega“. Sipas policisë shkak i vrasjes ka qenë një konflikti për motive të dobta mes viktimës, Mandi Pashk Prenga, 28 vjec, banues në Bathore dhe autorit Kujtim Shkurt Prenga, 40 vjec, banues në Tiranë. Policia sqaron se 40 vjecari, i arrestuar., është me detyrë punonjës ushtarak në Repartin e Policisë Ushtarake në Sauk Tiranë dhe krimin e ka kryer me armën e punës. Grupi hetimor nga kqyrja e vendngjarjes ka fiksuar në cilësinë e provës materiale një gëzhojë si dhe u bë sekuestrimi i armës së krimit të pistoletës tip TT, armë e cila iu kap autorit.  Po ashtu në lidhje me këtë ngjarje u arrestuar edhe shtetasi Kastriot Balla, 34 vjec, pasi dyshohet se ka përkrahur autorin e krimit shtetasin Kujtim Prenga duke e fshehur nga ndjekja e policisë.
/sg/shqiptarja.com/