Ushtrimet fizike rregullojnë
dëmtimet që shkakton alkooli

Sipas një studimi të Universitetit të Kolorados, palestra dhe ushtrimet aerobike ndihmojnë për të reduktuar dëmet neurologjike që ka shkaktuar alkooli në trurin e personave që e konsumojnë.

Përdorimi i tepërt i pijeve alkoolike shkakton dëme të mëdha neurologjike si dhe ndikon në plakjen e qelizave.

“Angazhimi në ushtrimin e rregullt aerobik ndihmon në përmirësimin e kujtesës dhe vetë-kontrollit”, tha studiuesi Hollis Karoli.

Gjithashtu ai shtoi se ‘konsumimi afatgjatë i alkoolit shkakton dëmtime nervore’.

Në studim morën pjesë 60 persona të cilët ju nënashtruan skanimeve për të parë nivelin e tyre të konsumimit të alkoolit.

(v.gj/shqiptarja.com)