TIRANE- Universiteti i Tiranës në bashkëpunim me Swedish-Western Balkans organizoi një seminar me qëllim rritjen e bashkëpunimit në fushën e arsimit të lartë midis institucioneve suedeze dhe atyre shqipfolëse.

Në këtë takim, të organizuar nga Këshilli Suedez i Arsimit të Lartë, Zyra “Tempus” në Shqipëri dhe Universiteti i Tiranës merrnin pjesë përfaqësues akademikë të institucioneve të arsimit të lartë nga Suedia, Shqipëria dhe Kosova.

Zv.Ministrja e Arsimit, Nora Malaj, e pranishme në seminar, ka theksuar faktin që institucionet tona të arsimit duhet të japin një qasje në rritjen e cilësisë së kërkimit shkencor, kjo edhe nëpërmjet krijimit të laboratorëve të rinj.

Ajo shtoi se, Ministria e Arsimit do të luajë rol ndërmjetësues në bashkëpunime të tilla ndërkombëtare.

Redaksia Online
(e.s/shqiptarja.com)