POP 5

Lajmet më të lexuara të 5 minutave të fundit

Sociale

UT zero lekë për kërkime shkencore, paguan 16 herë më tepër për rojet se privati! Studentja e Drejtësisë: Jemi larg me praktikat

Megjithëse kanë kaluar 6 vjet nga reforma në Arsimin e Lartë dhe 4 vjet nga Pakti per Universitetin, në raportin më të fundit të Qëndresës Qytetare del se Universiteti i Tiranës për të tretin vit rradhazi shpenzon 0 lekë për kërkimin shkencor

Është studente e drejtësisë në vitin e katërt dhe jo për shkak të mundësisë që Universiteti i ka ofruar, por nga njohjet private ka mundur të ndjek nga afër sesi zhvillohet një seancë gjyqësore.

Për Kriselda Dedndreaj është fatkeqësi  që shkolla mban studentët kaq larg me praktikën profesionale.

“Për shkak të angazhimit tim personal kam qenë pjesë e disa sallave gjyqësore , por dhe me klube studentore, me grupe studentore ku kam marr pjesë, por drejtëpërdrejtë nga universiteti jo nuk janë zhvilluar, çka është për mendimin tim alarmuese.”- tha Kriselda Dedndreaj.

Raporti më i fundit i publikuar nga Qëndresa Qytetare gjithashtu nxjerr në pah një fakt të përsëritur përsa i përket investimit në kërkim shkencor. Universiteti I Tiranës për të tretin vit rradhazi shpenzon 0 lekë në këtë këtë drejtim.

“Vetëm 0.38% e financave të këtyre universiteteve kanë shkuar për kërkim shkencor. Është e rëndësishme të themi që universiteti I Tiranës për të tretin vit radhazi e ka zero zërin e kërkimit shkencor sa I përket parave që ajo alokon nga buxheti që vjen nga tarifat e studentëve.

“Më vjen shumë keq që universiteti i Tiranës i cili brenda vetes së tij ka fakultete që e kanë fokus kërkimin shkencor. Është fakulteti i shkencave të natyrës, institute I fizikës bërthamore në mënyrë specifike për kërkimin shkencor nuk paskan krijuar gjatë këtij viti akademik asnjë produkt.”- vijoi ajo.

Por në një kohë që zero lekë për kërkimet, paratë janë hedhur për sigurinë e ndërtesave universitare.

“Vetëm fakti i sigurisë së godinës që në UT kap shifrën e 637 mijë euro , pra kontrasti nga universiteti më I madh privat 40 mijë euro. Pra është keqpërdorim në rastin më të mirë dhe një vjedhje e hapur në rastin më të keq.’- përfundoi studentja.

Shpenzime të tjera të panevojshme në masë aq të madhe sipas raportit janë bërë nga universitetet për letra A4 dhe bojëra printeri. (shoqërohet me tabela përmbledhëse, shifrat).

G.MO/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Dress: 09/11/2022 21:11

    Bravo qendresa qytetare. Pahugen rojet me shume se pedagoget.

    Përgjigju
  • True: 09/11/2022 19:54

    Panel i tmerrshem. Panel KCK. Foltore komunistesh te perjetshem, antiamerikan ne gjithe qenien e tyre. Grupi rublave ne kerkim nderkombetar kap ca te kapesh.

    Përgjigju
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Për herë të parë pas 96 vitesh, ceremonia e çmimeve Oscar në prag të anulimit

Për herë të parë pas 96 vitesh, ceremonia e çmimeve Oscar në prag të anulimit

15 Janar, 13:57