POP 5

Lajmet më të lexuara të 5 minutave të fundit

Sport

Uzuni intervistë për faqen e ‘La Liga’, tregon rrugëtimin: Këmbët e mia, opsioni i vetëm për të mbajtur familjen! Përballja me Real-in mu duk si në FIFA

Myrto Uzuni ka folur në një intervistë të shkurtër për kanalin zyrtar të LaLiga-s në Twitter ku ka prekur tema si ajo e nisjes së karrierës, mbërritja në LaLiga, emocionet e përballjes me Real Madrid dhe suksesi i sezonit të fundit.

Myrto Uzuni ka folur në një intervistë të shkurtër për kanalin zyrtar të LaLiga-s në Twitter ku ka prekur tema si ajo e nisjes së karrierës, mbërritja në LaLiga, emocionet e përballjes me Real Madrid dhe suksesi i sezonit të fundit.

Myrto Uzuni është një prej futbollistëve shqiptarë më në formë dhe më të suksesshëm aktualisht. Protagonist me kombëtaren shqiptare ai po përjeton edhe majën e karrierës në një prej kampionateve më të fortë në botë, La Ligan spanjolle,

Së fundmi ai ka folur në një intervistë të shkurtër për kanalin zyrtar të LaLiga-s në Twitter.

“Kur vjen nga një vend si Shqipëria, nuk është e lehtë të arrish në LaLiga. Më është dashur të punoj shumë për të realizuar ëndrrat e mia. Por, për këtë luhet futbolli, për ty dhe ëndrrat e tua sepse në shtëpinë time ka pasur vetëm një opsion që të fitonim para, vetëm nga këmbët e mia. Në këtë jetë dua vetëm t’i falënderoj prindërit e mi që besuan tek unë dhe për njeriun që unë jam sot”, tha futbollisti.

Një koment ai e kishte edhe për sfidën speciale në mitikun e futbollit botëror, Benabeu.

“Kam një vit e gjysmë këtu te Granada dhe ndihem shkëlqyer. Jam si në shtëpinë time pasi njerëzi më duan shumë. Ndeshja e parë debutuese ishte në Bernabeu dhe kur shikoja lojtarë si Toni Kroos dhe Modriç , po mendoja dhe i thosha vetes: Mos po luaj FIFA në ato momente”, u shpreh Uzuni.

Gazetarët e faqes së La Liga e duan një koment edhe për ecurinë e deritanishme dhe të ardhmen.

“Çdo gol është special kur shënon. 23 rrjeta në LaLiga2 patjetër që janë shumë. Të gjithë e dinë se sa e vështirë është ajo kategori. Tani po stërvitemi shumë mirë, çdo gjë është gati dhe të gjithë duhet të bëjmë akoma edhe më shumë. Ëndrra ime është që të vazhdoj të luaj në La Liga, eksperiencë e madhe padyshim dhe dua të luaj për shumë ndeshje”, tha futbollisti.

M.T/E.H/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Edison Ypi: Spiun dhe Bariton

Edison Ypi: Spiun dhe Bariton

25 Dhjetor, 21:10 nga Edison Ypi