Trupi i pajetë i Vaçe Zelës u vendos dje në skenën ku këndoi dhe fitoi shumë nga 12 çmimet e saj, në Teatrin e Operës dhe Baletit në Tiranë. Muzika në monitor dhe buzëqeshja në fytyrën e saj kanë shoqëruar ceremoninë për më se dy orë. Tirana nuk kishte parë ndonjëherë homazhe kaq madhështore sa ato të lamtumirës së Vaçe Zelës. Homazhet janë çelur nga Ministrja e Kulturës, Mirela Kumbaro. Në ceremoni morën pjesë dhe zyrtarë të lartë të vendit dhe përfaqësues të huaj. “Vaçe Zela nuk ka vdekur. Është shuar diçka brenda gjithkujt që e njohu nga afër apo e dëgjoi nga larg”.
Me këto fjalë e ka mbyllur ceremoninë e homazheve kryeministri i Shqipërisë Edi Rama, ndërsa për më shumë se një orë qëndroi në sallën e Teatrit të Operës dhe Baletit së bashku me bashkëshorten Lindën dhe me qindra artistë nga Tirana, rrethe të Shqipërisë, Lushnja ku ka lindur Vace Zela, por dhe nga Kosova e Maqedonia. Vargje të pafund njerëzish të thjeshtë hynin e dilnin në teatrin e Operës dhe Baletit në Tiranë, duke mbushur platetë e teatrit, me sytë nga skena, ku arkivoli i së ndjerës Vaçe Zela dhe zëri i saj që ushtonte nga ekranet trazuan dashurinë e shqiptarëve për të, duke përzier lotët me emocionet e rindezura nga këngët e saj magjike.
Personalitete të politikës, muzikës, teatrit e përcollën me lot në sy në banesën e fundit, duke e shoqëruar me tingujt e këngës së W. Houston, “I always love you”. Njerëzve të ardhur nga Kosova, të cilët kanë shoqëruar trupin e këngëtares nga aeroporti i Prishtinës, iu janë bashkuar ata që erdhën nga vendlindja e këngëtares, Lushnja, që herët në mëngjes. Holli i Teatrit Kombëtar të Operës dhe Baletit, ku qe vendosur fotografia e Vaçe Zelës u mbush me buqeta me lule.
Erdhi ora e lamtumirës dhe qindra njerëz përcollën trupin e këngëtares Vaçe Zela drejt Varrezave të Sharrës në Tiranë me karafila të bardhë dhe duartrokitje. Një grusht me dhe iu hodh në varr si bekim nga qyteti i saj i dashur, Lushnja. Një grusht tjetër me dhe hidhet si shenjë dashurie për yllin kombëtar të këngës nga toka e Kosovës. E mbuluar me lule, e shoqëruar me zërin e këngëve magjike të saj, Vaçe Zela largohet nga jeta duke kënduar...
Shkrimi u publikua sot (09.02.2014) në gazetën Shqiptarja.com (print)
Redaksia Online
(d.d/shqiptarja.com)
Lajme të tjera
-
SHBA/ Shqiptari në Majemi akuzohet se ka ngacmuar një vajzë 10 vjeçare në pishinë
31 Korrik, 22:40 -
'Albulena prita-prita'! Ilir Meta ‘shuan vapën’ në Ujëbardhën e Kurbinit, zhytet në ujë bashkë me disa të rinj (VIDEO)
31 Korrik, 22:34 -
SHBA, thirrje Venezuelës të bëjë sa më shpejt publike të dhënat e plota për zgjedhje
31 Korrik, 22:23 -
'Aktrim i dobët' para miratimit të Reformës Zgjedhore!
31 Korrik, 22:10
-
Mero Baze: Aty ku ka grekë nuk ka probleme
31 Korrik, 21:58
-
Kuvendi i Serbisë e miraton Deklaratën e “Kuvendit gjithëserb”
31 Korrik, 21:45 -
Rama ‘idhnoi’ opozitën, patriotët e ‘Detit’ dhe 'Kryqit të Artë grek’
31 Korrik, 21:18
-
Operacioni ‘Revanshi’/ Autoritetet në Dubai thonë se kanë ndaluar Marklen Hakën! Policia shqiptare i dërgon të dhënat biometrike
31 Korrik, 21:06 -
Grupi i PD-së: Jemi në një linjë me presidentin për mikrokreditë! Gjetjet t'ia dërgojë SPAK, të gatshëm për Komision të Posaçëm në Kuvend
31 Korrik, 21:02 -
Shpërthen zjarri në Romë në kodrën Monte Mario/ Flakët pranë studiove të Rai-t! Evakuohen disa banesa! U ndërpre transmetimi direkt
31 Korrik, 20:56 -
Dita e parë në detyrë përballë zjarreve/ Ministri Vëngu në fshatin Luzat të Tepelenës, shpëtohet një shtëpi nga flakët: Kemi kërkuar bashkëpunimin e banorëve
31 Korrik, 20:56 -
Veton Surroi: Akomodimi mendor me presidenten Harris
31 Korrik, 20:26
