Vajza e Bashkim Finos emërohet zv/ministre e Punëve të Jashtme! Lirohen nga detyra 2 zv.ministrat Xhafaj e Koçi, marrin mandatin e deputetit

Petro Koçi, Megi Fino dhe Etjen Xhafaj

Vajza e ish-kryeministrit Bashkim Fino, Megi Fino është emëruar ditën e sotme zv/ministre për Europën dhe Punët e Jashtme. Vendimi është marrë në mbledhjen e zhvilluar këtë të mërkurë në këshillin e ministrave.

Megi Fino u shfaq në publik për herë të parë në Kongresin e Partisë Socialiste, ku mbajti dhe një fjalim plot emocion e njoftoi se do t'i bashkohet PS-së. Anëqtarësimi i saj në PS Megi Fino tha se ishte një dëshirë e babit të saj që u nda nga jeta pak muaj më parë për shkak të COVID-19.

Bashkim Fino ndërroi jetën më 29 mars pas një beteje të vështirë me COVID-in. 29 marsi u shpall ditë zie, ku flamujt e të gjitha institucioneve publike dhe shtetërore u ulën në gjysmë shtizë. Në nderim të tij, si në të paktat raste politika u bë një, pa qëndrime majtas apo djathtas, ku u anuluan të gjitha aktivitetet në kuadër të fushatës elektorale. 

Në vendimet e mara në mbledhjen e këshillit të ministrave janë liruar nga detyra Etjen Xhafaj, i cili deri tani ka mbajtur postin e zëvendësministrit të Infrastrukturës dhe Energjisë dhe Petro Koçi, i cili lë postin e zëvendësministrit të Mbrojtjes.

Arsyeja e lirimit nga detyra të 2 zv.ministrave lidhet me faktin se nga shtatori do të futen në Kuvend, pasi në zgjedhjet e 25 prillit u zgjodhën deputetë. Xhafaj u zgjodh deputet në qarkun e Tiranës, kurse Koçi u zgjodh deputet në Fier.

Vendim për emërimin në detyrë të Megi Finos

Vendim për lirimin nga detyra të Petro Koçit
Vendim për lirimin nga detyra të Etjen Xhafajt

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Takimi i 7 mes dy qeverive Shqipëri-Kosovë dhe 16 marrëveshjet e nënshkruara i konsideroni:



×

Lajmi i fundit

John

U asfiksuan nga gazi në banesë një ditë më parë, gjenden dy persona të pajetë në Golem! Policia: Vijojnë hetimet për ngjarjen