Vajzës i vjedhin çantën nga makina, i moshuari e gjen e ja jep policëve por... (Pamjet në Emisionin 112)

TIRANË - Është java e parë që në kryeqytet janë lehtësuar masat e karantinës për shkak të COVID-19 ndërsa bizneset, përfshirë lokalet janë hapur në fillim të javës. Gjatë kësaj jave ne kemi vijuar të qëndrojmë me efektivët e Policisë së Shtetit ndërsa ju sjellim disa nga situatat me të cilat ata janë përballur në ditët e fundit. 

Në rastin e parë që transmetojmë në episodin e sotëm të emisionit 112 të realizuar nga gazetari i Report TV Antonio Çakshiri është shqetësimi i banorëve në një lagje të Kombinatit për alarmin që bie prej disa orësh në një banesë. Ata kërkojnë ndihmën e policisë për ta çaktivizuar ndërsa patrulla kontrollon përreth nëse ka rast vjedhje apo jo në banesë. 

Në orët e pasdites një vajzë njofton policinë se nga makina e parkuar i është vjedhur çanta. Efektivët e Komisariatit nr. 2 shkojnë në vendngjarje ndërsa vajza këshillohet të bëjë kallëzim dhe në këtë mënyrë mund të shikohen edhe kamerat e sigurisë që kishte në zonë. Teksa patrulla po largohej, një i moshuar i ndalon policët dhe u tregon se ka gjetur një çantë me dokumente identifikuese brenda. Shikoni episodin e plotë se çfarë ndodh në këtë rast. 

Me hapjen e lokaleve një shqetësim për efektivët janë bërë edhe parkimet e gabuara në rrugët e Tiranës. Teksa po patrullojnë në rrugën e Kavajës ata shikojnë një makinë tip Range Rover të lënë mbi korsinë e biçikletës. Teksa efektivi afrohet për të vendosur gjobë, pronari i lokalit para makinës nis të debatojë me të për shkak se vajza që e ka ndodhet brenda lokalit të tij. Vajza del dhe u kërkon efektivëve të vendosin gjobën pa u përshkallëzuar situata ndërsa djali që ka lokalin u bën presion dhe rrezikon të shoqërohet. Shikoni përgjatë emisionit çfarë ndodh edhe në këtë rast. 

Efektivët e njësisë Shigjeta ndalojnë një djalë për shkak se nuk kishte vendosur rripin e sigurimit, ai se pret mirë dhe nis të debatojë ndërsa shoqërohet në komisariat për mungesë dokumentacioni të makinës. 

Në fund të emisionit 112 transmetojmë momentet e aksidenteve në dy raste të ndodhura në 24 orë në kryqëzimin e Laprakës. Kryqëzim që për fat të keq ka pasur një numër të madh aksidentesh, mes tyre edhe me viktima. Në dy rastet e ndodhura në javën e fundit, dy makinat kthehen majtas drejt Laprakës me semafor të kuq ndërsa përplasen nga mjetet që vinin përballë nga rruga Dritan Hoxha.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Investimi i dhëndrit të Trump në Sazan, jeni dakord?



×

Lajmi i fundit

SHBA, polici në Denver qëlloi me 36 plumba ndaj grabitësit që kishte marrë peng punonjësit e një minimarketi (VIDEO)

SHBA, polici në Denver qëlloi me 36 plumba ndaj grabitësit që kishte marrë peng punonjësit e një minimarketi (VIDEO)