POP 5

Lajmet më të lexuara të 5 minutave të fundit

Bota

Vaksina anti-COVID AstraZeneca provohet për herë të parë tek fëmijët

Vaksina britanike anti-COVID, AstraZeneca ditën e djeshme ka nisur eksperimentin e saj të ri, për të testuar nëse ajo është efektive edhe tek fëmijët.

Vaksina anti-COVID AstraZeneca provohet për herë të parë tek fëmijët

16-vjecarja Tilda duke bërë vaksinën anti-COVID

BRITANI E MADHE- Vaksina britanike anti-COVID, AstraZeneca ditën e djeshme ka nisur eksperimentin e saj të ri, për të testuar nëse ajo është efektive edhe tek fëmijët.

Studiuesit, do të përdorin 300 fëmijë vullnetar nga mosha 6 deri në 17 vjeç në Britaninë e Madhe për të parë se si do të reagojnë ata ndaj vaksinës AstraZeneca kundër koronavirusit.

Sylvia Hobson, 12-vjeç një nder vullnetaret e eksperimentit tha se vendosi të merrte pjesë në të pasi donte të kontribuonte sado pak në këtë luftë të përbashkët kundër COVID-19.

“Unë doja ta bëja vaksinën pasi ky virus ka shkatërruar jetën e të gjithëve. Ne po kalojmë një kohë shumë të vështirë, dhe pasi përmes kësaj mund të ndihmoj sado pak, doja ta bëja”, tha ajo.

Ndërkohë, 16-vjecarja Tilda tha se vaksina kundër COVID-19 ishte më mirë seç mendonte se do të ishte.

“Ishte në rregull, shumë më mirë sesa mendoja se do të ishte. Unë jetoj relativisht afër, kur pashë se po ndodhte e gjithë kjo mendova të bëhesha dhe unë pjesë dhe të ndihmoja.”, tha Tilda.

Një nder infermieret përgjegjëse për vaksinimin e fëmijëve tha se vullnetarët do t’u mundësojnë shkencëtarëve të zbulojnë nëse vaksina AstraZeneca ka të njëjtin efekt tek fëmijët.

Lajmin për këtë eksperiment e dha pediatri dhe kryeinspektori i provës së vaksinës Andrew Pollard, ku tha se pavarësisht se COVID-19 nuk prek fëmijët në shumicën e rasteve është e rëndësishme të kemi siguri për efektivitetin e saj te fëmijët.

AstraZeneca aktualisht është në disponim dhe përdorim të shumë vendeve në botë. Ajo ka marrë prej kohësh edhe dritën jeshile nga EMA dhe shumë shtete të BE-së kanë nisur vaksinimin me AstraZeneca, megjithatë kohët e fundit ka hasur probleme në prodhim duke shkaktuar vonesa në shpërndarje.

Ndërkohë ditën e djeshme OBSH-ja ka aprovuar vaksinës britanike anti-COVID për përdorim emergjent.

J.GJ./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 13 Mars, 08:44

    Zgjedhjet e 11 majit, cila listë e kandidatëve iu bind më shumë?

Lajme të tjera



×

Lajmi i fundit

Sondazhi i Pepolit/ Rama merr mandatin e katërt më 11 maj me 50.5% të votave! Berisha me aleatët forcë e dytë, por me rënie! Lapaj renditet i treti

Sondazhi i Pepolit/ Rama merr mandatin e katërt më 11 maj me 50.5% të votave! Berisha me aleatët forcë e dytë, por me rënie! Lapaj renditet i treti

13 Mars, 22:50