Vaksina e Oxford, u rrit efektshmëria në saj të një gabimi

Vaksina e AstraZeneca-s dhe Universiteti i Oksfordit kanë pranuar se ndodhi një gabim gjatë testimit të vaksinës së koronavirusit dhe në saj të këtij gabimi, u rrit efektshmëria e vaksinës.

Në grupin e dozave të ulëta, sipas AstraZeneca, vaksina duket të jetë efektive në 90 për qind të rasteve ndërsa në grupin që mori dy doza të plota efektiviteti ishte 62 për qind. Kombinuar të dy grupet, kompania tha se vaksina funksionoi në 70 për qind të rasteve. Sidoqoftë, mënyra se si u morën rezultatet bëri që shumë ekspertë të rishikojnë metodat e tyre.

Një fakt që vë në dyshim hulumtimin është se askush nga njerëzit në grupin e dozave të ulëta nuk ishte mbi 55-vjeç. Ekspertët pajtohen që të rinjtë kanë tendencë të kenë një përgjigje më të fortë imune sesa të moshuarit, i cili sigurisht mund të jetë një nga faktorët vendimtar në rezultatet përfundimtare.

Vendimi për të kombinuar rezultatet e dy grupeve të pjesëmarrësve që morën nivele të ndryshme dozimi për të arritur një efikasitet mesatar prej 70 për qind është gjithashtu i diskutueshëm, tha David Salisbury, një bashkëpunëtor i programit shëndetësor global në Chatham House.

“Keni bërë dy studime që keni përdorur doza të ndryshme dhe keni dalë me rezultate që nuk përfaqësojnë asnjë dozë. Unë mendoj se shumë njerëz kanë një problem me këtë,” tha Salisbury.

Por ngelet akoma e panjohur shkaku se psërse kombinimi i dytë kishte shkallë më të lartë efektiviteti.

 “Është e rëndësishme të jepni dozën e duhur, jo shumë pak dhe jo shumë. Shumë mund t’ju japin një përgjigje të keqe. Pra, ju doni shumën e duhur dhe mendoni pak kur doni të keni sukses kaq shpejt nga hera e parë, “tha Gilbert.

Detajet e rezultateve të testit do të publikohen në revistat mjekësore dhe do t’u paraqiten rregullatorëve britanikë në mënyrë që ata të vendosin nëse do të aprovojnë shpërndarjen e vaksinës.

TAG:
• Vaksina
• Koronavirus
• Vaksina Covid
• vaksina e oxford