Personat që bëjnë dozën e parë të vaksinës Pfizer nuk duhet të neglizhojnë masat antiCOVID, pasi për të siguruar mbrojtjen 95 % që kjo vaksinë ofron duhet të bëhen të dyja dozat e saj dhe të pritet edhe një periudhë 2 javore pas dozës së dytë për t'u siguruar se janë krijuar antitrupat. Këtë sqarim e bëri menaxherja e programit kombëtar të vaksinimit në ISHP, Erida Nelaj në një interviste skype për Report Tv.
Nelaj tha se sot janë kryer 60 vaksinime kryesisht nga spitalet COVID1 dhe COVID3 dhe se deri tani në tre ditët e para të vaksinimi nuk ka pasur efekte anësore.
"Sot kanë qenë 60 vaksinime nga spitali COVID 1 dhe 3. Nuk ka pasur asnjë problem në të tre ditët e vaksinimit. Është e rëndësishme të kuptohet që një vaksinë është provuar të jetë efikase pas dy dozave. Pra me dozën e parë nuk do të jenë të mbrojtur totalisht dhe nuk duhet të neglizhojnë masat mbrojtëse pasi mund të infektohen. Madje për të qenë të sigurt duhet pritur një periudhë dy javore pas dozës së dytë që mund të themi se jemi të mbrojtur 95 %", tha Nelaj.
Nelaj tha se Shqipëria i ka kapacitetet frigoriferike për vaksinë Pfizer deri në 250 mijë doza në një kohë të vetme.
"Për Pfizer kemi frigorifer ultra të ftohtë që shkojnë deri në -80 gradë. Ne i kemi kapacitete që në një kohë të vetme të sigurojmë dhe pranojmë deri në 250 mijë doza të vaksinës Pfizer", tha Nelaj.
Erida Nelaj u shpreh se pasi të mbarojë vaksinimi me mjekët në vijën e parë të rrezikut që janë në spitalet COVID, grupet në terren që bëjnë tamponët apo ata që analizojnë mostrat do të fillojë pastaj paralelisht me vaksinimin e të moshuarve në azile.
"Do të fillojmë gradualisht të merremi me mjekët të fillojnë me të moshuarit në azile dhe më pas policët. Fillimisht do të vaksinohet mjekët që janë në vijën e parë të rrezikut në spitalet COVID, grupet e epidemiologëve që marrin tamponët në terren, stafi që merret me analizimin e mostrave dhe pastaj fillojmë paralelisht me pjesën tjetër të stafit mjekësor dhe me të moshuarit. Vlen të theksohet se vaksina që ka kushte specifike nuk mjafton vetëm pika në Tiranë do të kemi edhe në Vlorë dhe Shkodër. Ata do të hapen shumë shpejt, ne po punojmë për t'i bërë trajnimin e stafit atje", tha Nelaj.
Lajme të tjera
-
Ethet e Nilit/ 79 të infektuar, 11 humbje jete! ISHP: Mosha mbi 60 vjeç më e prekur
12 Shtator, 20:09 -
Virusi ‘Ethet e Nilit’, QSUT për Report Tv: Gjendja e 17 të infektuarve stabël! Në 24 orët e fundit s'ka raste të reja
6 Gusht, 15:11 -
Komisioni Evropian kritikohet për jotransparencë në marrëveshjet për vaksinat
17 Korrik, 11:36 -
‘Lufta’ ndaj insekteve, nis dezinsektimi në të gjithë vendin! Ankohet kryebashkiaku i Divjakës: Duhej nga ajri! ISHP: I konsultuar
8 Maj, 20:02
-
ISHP kryen për herë të parë analiza të thella gjenetike për viruset respiratore
29 Mars, 22:38 -
ISHP: 34 raste me fruth në Tiranë dhe Durrës, shumica prej tyre fëmijë të grupmoshës 5-9 vjeç
12 Mars, 16:00 -
Fruthi, burime nga ISHP: 13 mijë fëmijë deri në moshën 5 vjeç të pavaksinuar në Tiranë
7 Shkurt, 11:19 -
Specialisti i ISHP: Kanceri i gjirit dhe mushkërive më të përhapurit! Në rritje numri i meshkujve që preken nga tumoret
5 Shkurt, 14:44 -
Fruthi, 17 raste në vend! ISHP: Në rast nevoje, vaksinim edhe për fëmijët nën 1 vjeç
29 Janar, 15:22
-
Shqiptarët paguan nga xhepi 141 mln euro për blerjen e produkteve farmaceutike më 2023, financuan 55% të konsumit
29 Janar, 11:02 -
Rriten rastet me fruth në Shqipëri, ISHP konfirmon 17 të infektuar
25 Janar, 16:33 -
Fruthi konfirmohet në Shqipëri, burime nga ISHP: 11 raste në Tiranë e Durrës
24 Janar, 11:56
