POP 5

Lajmet më të lexuara të 5 minutave të fundit

Sociale

Varfëri ekstreme dhe kushte të
vështira për familjen nga Rubiku

Në një rrënojë që pritet të shembet nga dita në ditë dhe në një varfëri ekstreme jetojnë 4 anëtarë të familjes Noka në fshatin Fang të Bashkisë Rubik në Mirditë. VIDEO
Në një rrënojë që pritet të shembet nga dita në ditë dhe në një varfëri ekstreme jetojnë 4 anëtarë të familjes Noka në fshatin Fang të Bashkisë Rubik në Mirditë.

Jetesa e tyre është shumë e mundimshme ndërsa kanë humbur edhe shpresat se gjërat mund të ndryshojnë.

familja noka

Familja e Filip Nokës jeton vetëm me 4 500 lek në muaj ndihmë ekonomike dhe asnjë të ardhur tjetër.
Kryefamiljari, Filip Noka, thotë se jeta e tyre mbetet një kalvar mundimeh, ndësa jeton çdo ditë me frikën e shembjes së shtëpisë e cila është amortizuar plotësisht.

familja noka

Ai kërkon ndihmë që të pakten ti ofrohet një vend pune që tu mbajë frymën gjallë gruas dhe dy fëmijëve të mitur

“Duke prit jo sot jo nesër kur të na bjerë brenda, të na zejë megjithë fëmijë brenda. Pa punë, edhe të dalim të kërkojmë punë  nuk na lënë për të punojmë. Edhe kemi ngel duke e shtyrë me zor jo me ndonjë pulë ose ndonjë gjë tjetër,”-është shprehur Filipi.

familja noka

Zonja e shtëpisë, Violeta Noka, thotë se askush nuk është parë që të shikoje gjendjen në familjen e saj për t’ju dhënë një ndihmë sado të vogël.

”Nuk jetohet në këtë situatë që jemi ne, pa shtëpi, me shtëpi të shpronësuar, sepse e shpronsuar është shtëpia jonë. Ne vetëm jetojmë këtu deri sa të na zejë kokën brenda.
E ardhmja ime janë këto dy fëmijë dhe zoti në qiell, nuk kam tjeter të ardhme,”-është shprehur Violeta.
 
familja noka

Kjo është një pjesë e mundimeve të përditshmërisë të familjes Noka në Fang të Rubikut, e cila kërkon përkrahjen e shoqërisë dhe përgjegjshmërinë e organeve shtetërore për të ndryshuar mënyrën e jetesës së tyre, e cila është në kushte ekstreme.

Redaksia Online
(Shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Mali i Zi, kërkohet hetim ndërkombëtar për masakrën Cetinjës

Mali i Zi, kërkohet hetim ndërkombëtar për masakrën Cetinjës

10 Janar, 23:03