Vazhdon djegia e pyjeve në Bjeshkët e Deçanit. Ndërsa në bjeshëken e Bellesë është e pamundur lëvizja e ekipeve të zjarrfikësve për shkak të zjarrve të mëdha për shuarjen e zjarrit në këtë bjeshkë po kërkohet vazhdimisht ndihma e KFOR-it. 

Vlerësohet se mbi 150 hektarë pyje të Bjeshkëve të Deçanit përfshirë edhe pyjet rreth Manastirit, janë përfshirë nga zjarri. 

Ekipeve të zjarrëfikëseve në ndihmë u kanë ardhur edhe disa punëtorë të ndërmarrjes `Gjeravica` si dhe pjesëtarë të FSK-së për reagim të shpejtë. 

Ndërkohë, sipas statistikave të Ministrisë së Brendshme, në gjashtëmujorin e parë të këtij viti janë regjistruar 3 mijë e 380 zjarre. 

Sipas kësaj ministrie zjarret sivjet kan shënuar rritje në krahasim me vitet e kaluar ndërsa apelojnë tek bujqit të mos i djegin hamulloret. 

As policia, po as FSK nuk ka asnjë helikopter apo aeroplan që do të mund të ndihmonte në shuarjen e zjarreve në Kosovë.


/rg/shqiptarja.com/