Presidenti rus Putin, gjatë një vizite q në avio-sallonin MAKS, është filmuar duke blerë akullore dhe ka qerasur edhe grupin e tij shoqërues.

I shoqëruar nga një delegacion i anëtarëve të Qeverisë dhe menaxheri që kishte organizuar avio-sallonin, Putini bleu akullore për vete dhe grupin.

“U jepni nga një akullore. Ka njerëz të uritur”, dëgjohet Putin duke i thënë vajzës që shiste akullore duke shkaktuar të qeshura në grupin që e shoqëronte.

Por, ajo çfarë bëri bujë sipas mediave vendase ishte nënkryetari i Qeverisë, Dmitry Rogozin i cili pati “guximin” ta refuzojë akulloren që ia ofroi shefi, duke u munduar të arsyetohet se po ruan linjat trupore.

Në fund, Rogozin është “dorëzuar” para shefit, duke pranuar akulloren dhe duke e u bërë pjesë e grupit që po e shijonin në maksimum atë akullore me shefin.