Ajo festoi ditëlindjen e saj të 43-të. Duket se koha është ndalur për të dhe Victoria Beckham vazhdon të mbetet një yll në botën e modës.
 
Këtë ditëlindje, Victoria ka marrë dhuratat më të çmuara nga familja e saj. Dedikime të veçanta dhe shumë të ndiera nga fëmijët dhe bashkëshorti David  Beckham.
 
“Gëzuar ditëlindjen gruaja, nëna dhe shoqja më e mirë. Të duam dhe kalofsh një ditë sa më të bukur”, shkruan në Instagram David  Beckham.
 
“E dashur mami gëzuar ditëlindjen. Ti je mami  më i mirë në botë”, shkruan Cruz Beckham, djali i saj.
 
“Mami të dua shumë dhe shpresoj që kjo të jetë dita më e bukur e jetës tënde. Je një nënë e mrekullueshme dhe perfekte në të gjitha anët. E adhuroj momentin që ti më bën për të qeshur, çfarë do që ndodh ti vazhdon dhe qesh. Të dua shumë dhe kalofsh një ditë sa më të bukur”, shkruan Romeo.
 
Ata zgjodhën Los Angeles për të festuar 43- vjetorin e mbretëreshës së shtëpisë. Si gjithmonë Victoria kishte zgjedhur një veshje shumë shik dhe të thjesht, me pantallona të gjera dhe me bluze të bardhë.
 
Urime të shumta mori dhe nga fansat e saj të cilët i kënduan këngën e ditëlindjes yllit të modës në aeroport. 


(Harper i këndon Victorias këngën e ditëlindjes)