VLORË- Një aksident ka ndodhur paraditen e sotme në zonën e Ujit të Ftohtë, ku një automjet tip “Mercedes benz” me targa AA 070 AH, me drejtues 42-vjeçarin E. D., si pasojë e lagështirës dhe shpejtësisë , ka dalë jashtë rruge duke përfunduar brenda një dyqani ushqimor.

Si pasojë e këtij aksidenti shitësi i dyqanit E. B., është dërguar në spital për shkak të problemeve kardiake, gjithashtu ka pasur dhe dëme materiale në ambientet e dyqanit.

Policia e cila ka mbërritur në vendngjarje ka marrë në pyetje drejtuesin e automjetit si dhe po punon për zbardhjen e plotë të shkaqeve të aksidentit.

Vlorë
Më datë 30.11.2017, Salla Operative Vlorë është njoftuar nga një telefonatë se në rrugën ''Sulejman Delvina'', pranë vendit të quajtur “Kryqëzimi i 7 Pallateve'', ka ndodhur një aksident.

Policia ka shkuar pranë vendit të ngjarjes dhe nga verifikimi paraprak ka rezultuar se mjeti tip Benz, i drejtuar prej shtetasit E.D., 42 vjeç, ka humbur kontrollin e për pasojë është përplasur me dyqanin e shteasit E.B., i cili në atë moment ishte duke hapur qepenin e dyqanit.

Shtetasi E.B., ka shkuar në Spiatal për ndihmë mjekësore, por jo si pasojë e ndonjë dëmtimi të aksidentit por sepse ka pasur probleme kardiake.

Ka vetëm dëme materiale.

Specialistët e Policisë Rrugore kanë vijuar procedurat administrative ndaj shtetasit E.D., sipas procedurave standarte.

[gallery]24962[/gallery]

Er.K/Shqiptarja.com