POP 5

Lajmet më të lexuara të 5 minutave të fundit

Kronikë

Tiranë, zbuloi lidhjen jashtëmartesore, vëllai vret me hekur të dashurin e motrës

Lidhja jashtëmartesore e një 20-vjeçareje në Zall Bastar të Tiranës, nuk është pranuar nga vëllai i saj, i cili i ka vrarë të dashurin. Ai ka goditur me hekur në kokë Arben Gjeci duke e plagosur rëndë, ndërsa disa orë më pas vdiq në spitalin e Traumës. Tradhtia e 20-vjeçares është zbuluar nga burri i saj që më pas i ka thënë kunatit. Pranë banesës së familjes Cani është gjetur një bluzë e Arben Gjecit.

TIRANE-Report Tv zbardh krimin e ndodhur dy net më parë në Zall Bastar (lexo këtu), ku 34-vjeçari Arben Gjeci u godit në kokë me hekur dhe më pas ndërroi jetë në Spitalin e Traumës. Lidhja me një 20-vjeçare të martuar i kushtoi jetën Arben Gjecit. 34-vjeçari prej disa kohësh kishte një lidhje me një vajzë të martuar dhe çdo gjë u zbulua nga burri dhe vëllai i 20-vjeçares. Mbrëmjen e së enjtes Arben Gjeci është takuar me 20-vjeçaren pranë banesës së familjes Cani në Zall Bastar.

Por vëllai i saj E.Cani dhe burri e kanë ruajtur dhe i kanë gjetur të dy në një kasolle pranë shtëpisë. Ata i ruajtën pasi më herët burri i 20-vjeçares i ishte ankuar kunatit se motra e tij e tradhtonte. Lidhja jashtëmartesore nuk është pranuar nga vëllai i 20-vjeçares, i cili ka marrë një hekur dhe ka qëlluar disa herë në kokë Arben Gjecin.

Pasi e ka qëlluar disa herë në kokë duke e lënë pa ndenja autori e ka marrë dhe ka nxjerrë në rrugë Gjecin. Ngjarja është raportuar si aksidentale, sikur Arben Gjeci ishte rrëzuar nga një lartësi, por 4 plagët në kokë dhe disa dëshmi në fshatin Zall Bastar zbuluan krimin.

Policia bën me dije se ka arrestuar autorin, 31-vjeçarin E.Cani. Bashkë me autorin e arrestuar është edhe 20-vjeçarja E.Cani që është shkaktarja e kësaj përplasje, që sipas uniformave ka penguar për të zbardhur ngjarjen. Gjithashtu u arrestua edhe burri i saj pasi përveçse ka fshehur ngjarjen në banesë i është gjetur edhe një sasi kanabisi.

Autori i kësaj ngjarje ka refuzuar të pranojë krimin, duke thënë se nuk e ka vrarë ai Arben Gjecin. Burime nga Policia e Tiranës thanë se kanë dëshmi dhe prova që ka qenë E.Cani personi që vrau Arben Gjecin. Pranë banesës së familjes Cani është gjetur edhe një bluzë e Arben Gjecit.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Agjenti: 27/01/2019 01:15

    Bravo o taleban. Kalbu ne burg tani.

    Përgjigju
  • xxx: 26/01/2019 19:38

    Zgjidhja e ceshtjes me vrasje shume e gabuar.

    Përgjigju
  • Fredi: 26/01/2019 14:50

    Shumë e keqe dhe e dhimbshme tradhëtia por po aq e dhimbshme të kalburit në burg. Tani që të tre do të kalben brënda!

    Përgjigju
  • Fredi: 26/01/2019 14:50

    Shumë e keqe dhe e dhimbshme tradhëtia por po aq e dhimbshme të kalburit në burg. Tani që të tre do të kalben brënda!

    Përgjigju
  • mazllem pepinua: 26/01/2019 14:44

    Sa mire ja ka bere, cju desh ketij me gjene e tjetrit.

    Përgjigju
  • Tani: 26/01/2019 13:34

    Po te vrisje motren tende o pleher se nuk e ka Detyru njeri mezor te shkonte te kasollja. Ajo asht fajtore ca faji ka djali shkret kur ajo shkon me deshir

    Përgjigju
    • kapsolla: 27/01/2019 09:18

      "Tani" me lart jep pergjigje tipike talebane. Myte motren ne djep, plumbin ne paje etj etj. Tragjikomedi mesjetare shqiptare.

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Humbi jetën pasi ra nga 10 metër lartësi në vendin e punës, zbulohen detaje të reja lidhur me 41- vjeçarin shqiptar në Itali

Humbi jetën pasi ra nga 10 metër lartësi në vendin e punës, zbulohen detaje të reja lidhur me 41- vjeçarin shqiptar në Itali

24 Nëntor, 09:15