Vdekja e 3-vjeçarit, sekuestrohen kamerat dhe kompjuterët e klinikës 'Splendent'

Me urdhër të Prokurorisë së Tiranës, policia ka sekuestruar të premten DVR-në e klinikës 'Splendent' ku u krye ndërhyrja ndaj 3-vjeçarit Brian Spahiu, i cili humbi jetën pas ndërhyrjes kirurgjikale. Mësohet se mjeku Roland Xhaxho ka pretenduar se në ambientet e brendshme nuk ka pamje të kohëve të fundit me argumentin e kryerjes së disa punimeve. Megjithatë, hetuesit kanë marrë të plota materialet dhe pritet që në ditët në vijim të këqyren me detaje, edhe mbi dyshimet se mund të jetë ndërhyrë për fshirjen e ndonjë materiali filmik. Po ashtu, janë sekuestruar edhe disa kompjuterë dhe dokumentacione që kanë lidhje me ndërhyrjen e fëmijës 3 vjeç.

Lajmi kryesor:

Tiranë/ 3-vjeçari humbi jetën, Report Tv siguron skedën, eksperti: Vdekje e papritur nga shkaqe të panjohura! Mjeku Xhaxho: S’ka pamje sigurie brenda klinikës, po bëheshin punime

SI.E./Shqiptarja.com

TAG:
• Erindo Alla
• ina xhaxho
• roland xhaxho
• Brian Spahiu
• Tirane