Një ditë pasi një 63 vjeçar humbi jetën, pasi pësoi një aksident të rëndë në ambientet e punës në uzinën e çelikut të KURUM në Elbasan, policia ka arrestuar këtë të enjte përgjegjësin e turnit, Flamur Alterziu 58 vjeç ndërsa është shpallur në kërkim inxhinieri nga Gostivari i Maqedonisë, i identifikuar me inicialet K.H, 30 vjeç.
Sipas njoftimi të policisë arrestimi dhe shpallja në kërkim u tyre u bë pasi mbi ta rëndojnë akuzat për veprën penale "Shkelja e rregullave të mbrojtjes në punë" të parashikuar nga neni 289 i Kodit Penal, për arsye se këta shtetas nuk kanë zbatuar rregullat e mbrojtjes në punë dhe për rrjedhojë ka gjetur vdekjen Naim Derstila me moshë 63 vjeç.
Të mërkurën 63 vjeçari, Naim Derstila humbi jetën pasi preu këmbën duke punuar në ambientet e punës së uzinës, në Elbasan ndërkohë pas ngjarjes u dërgua me urgjencë në drejtim të Spitalit të Traumës në Tiranë por fatkeqësisht humbi jetën duke mos arritur tí shpëtoj plagëve të marra.
![](https://shqiptarja.com/template/img/NO_ALFA_Kuadrate shqiptarja.png)
Ndërkohë po në Elbasan është arrestuar një 28 vjeçar, Erald Salla, banues në fshatin Gracen. Mësohet se arrestimi i tij u bë pasi ka tentuar ti vërë flakën ambienteve të një firme.
Njoftimi i plotë i policisë :
Specialistët e Hetimit të Krimit në Komisariatin e Policisë Elbasan, arrestuan në flagrancë shtetasin: Flamur Alterziu, 58 vjeç, banues në Elbasan, ( përgjegjës turni).
Si dhe shpallën në kërkim dhe punohet për kapjen e shtetasit: K.H., 30 vjeç, banues në Gostivar, Maqedoni (inxhinjer)
Arrestimi dhe shpallja në kërkim u bë për veprën penale "Shkelja e rregullave të mbrojtjes në punë" të parashikuar nga neni 289 i Kodit Penal, për arsye se këta shtetas nuk kanë zbatuar rregullat e mbrojtjes në punë dhe për pasojë ka gjetur vdekjen shtetasi N.D., 63 vjeç, banues në fshatin Dërstilë, Elbasan.
Materialet hetimore i kaluan Prokurorisë pranë Gjykatës së Shkallës së Parë Elbasan, për veprime të mëtejshme.
Specialistët e Hetimit të Krimit në Komisariatin e Policisë Elbasan, arrestuan në flagrancë shtetasin: Erald Salla, 28 vjeç, banues në fshatin Gracen, Elbasan.
Arrestimi i tij u bë pasi në lagjen "Skënderbej" , Elbasan, për motive të dobëta, ka tentuar ti vërë flakën ambienteve të një firme .
Materialet u referuan në Prokurorinë pranë Gjykatës së Shkallës Parë Elbasan, për veprat penale " Shkatërrimi i pronës" Shkatërrimi i pronës me zjarrë e mbetur në tentativë" parashikuar nga nenet 150, 151, dhe 22 të Kodit Penal.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)