Vdekja në stol, flet nipi i të
moshuarës: Vdiq nga i ftohti

DURRES-  “Vdiq  nga i ftohti, ju bë mishi cope. Për të ngrënë na sillnin njerezit.” Kjo është dëshmia e Llazi Qendros, 65 vjeçari i cili dje përcolli për në banesën e fundit, tezen e tij 86 vjeçe.

Të pastrehë, dhe të flakur në rrugë pas zbatimit të aktit normativ të qeverisë Berisha për lirimin e shtëpive të ish-pronarëve nga qiramarrësit, për Llazin dhe tezen e tij e vetmja banesë ku jetonin prej një muaj e gjysmë, ishte një stol i mbuluar me karton dhe plastmas, në lulishten përballë bashkisë dhe prefekturës së Durrësit.

Në një intervistë për A1 Report, Llazi tregon me zerin që i dridhet se hallet dhe vuajtjet kishin nisur që më 21 gusht, kur e kishin nxjerrë nga banesa me tezen e tij e cila e kishte rritur.

"Kemi fjetur në stola, në spital dhe në lokale.  Në lulishte kemi nja një muaj e gjysëm që flinim"

VARRIMI
"Shkova tek agjencia funerale për varrimin dhe më thanë se duheshin mbi 480 mijë lekë. Nuk kisha ku ti merrja. Më pas ndërhyri Vangjushi (Vangjush Dako, kryetari i bashkise Durrës) dhe u varros pa lekë"- tregon Llazi, i cili jeton vetëm me ndihmën sociale prej 95 mijë lekësht të vjetra si person me paaftësi mendore.
 
I GJEN STREHIM NIPIT
Sot Bashkia e Durrësit ka gjetur një zgjidhje të përkohshme për strehimin e nipit të saj Llazi Qendro.65 vjeçari do të qëndrojë në qendrën e të moshuarve deri në momentin kur do ti jepet një garsoniere.

Bashkia thotë se kësaj familjeje i ishin ofruar dhe dy mundësi të tjera strehimi por nuk ishin pranuar nga ata.

“Një biznesmene na ofroi  një dhomë garsoniere në Porto Romano, por tezja nuk donte se ishte larg”- tregon Llazi, ndërkohë që kryetari i bashkisë Vangjush Dako në një prononcim për tv A1 Report thotë se familjes Qendro i ishte ofruar dhe mundësia për tu strehuar në azil, por kishin refuzuar.