Barbara Bush, matriarkja e një dinastie politike republikane dhe Zonja e parë që ngriti kauzën e alfabetizimit, vdiq dje, sikurse ka njoftuar zyra e bashkëshortit të saj.
Barbara ishte 92-vjeçe.
Ajo është gruaja e dytë në historinë e Amerikës që ka patur një bashkëshort dhe një djal President (e para ka qenë Abigail Adams). Barbara Bush konsiderohej si një figurë publike që fliste hapur e cila ishte e pangatërrueshme me flokët e saj të bardha si dhe gjerdanin e vëthet me xhevahirë. Ajo u bë një figurë e rëndësishme politike pasi burri i saj George H.W. Bush, u bë fillimisht zv.president dhe më pas president i SHBA-ve. Pasi u largua nga Shtëpia e Bardhë, ajo qe një zëdhënëse e fuqishme e dy djemve të saj, George W dhe Jeb Bush, të cilët kandiduan për presidentë.
Mama e gjashtë fëmijëve – një prej të cilëve, vajza Robin, e cila vdiq në fëmijëri nga leuçemia – Barbara Bush e rriti familjen e saj në vitet ’50 dhe ’60 ndëmrjet boom-it të pas-luftës në Teksas dhe shkëlqimit të burrit të saj në politikë.
Ajo i qëndroi gjithnjë në krah a tij gjatë thuajse 30 viteve të karrierës politike. Bushi ka qenë fillimisht deputet në Teksas, më pas ambasador në OKB, kryetar i Partisë Republikane, ambasador në Kinë dhe drejtor i CIA-s. Më pas ai u bë zv.president i Ronald Reganit për dy mandate dhe fitoi zgjedhjet për në Shtëpinë e Bardhë më 1988. Ai u largua nga detyra pasi humbi zgjedhjet më 1993, ndaj Bill Clinton.
Djali i saj George W Bush i ka kushtuar disa fjalë mjaft prekëse mamasë, i tronditur nga ndarja e saj nga jeta.
Barbara Bush me të birin George W Bush
'Mamaja ime e shtrenjtë ndërroi jetë në moshën92 vjeçare. Laura, Barbara, Jenna, dhe unë jemi të trishtuar, por shpirtrat tanë janë të lehtësuar pasi ne e dime se kush ishte,' tha presidenti i 43-të i SHBA-ve në një deklaratë të përbahskët të familjes dje.
'Barbara Bush ishte një Zonjë e Parë e mrekullueshme dhe një grua e cila si pakkush solli lehtësim, dashuri dhe shkollim për miliona njerëz”.
“Jam një njeri me fat që Barbara Bush ishte mamaja ime” – e mbylli deklaratën Geogre W Bush.
Barbara Bush ishte sëmurur pak kohë më parë dhe kishte refuzuar që të vazhdonte të merrte mjekime.
Lajme të tjera
-
‘Ngatërron Ukrainën më Irakun’, gafa e radhës e George W Bush (VIDEO)
19 Maj 2022, 10:07 -
Mesazh bashkimi nga tre ish-presidentët amerikanë
22 Janar 2021, 14:53 -
Meta kujton vizitën e e ish-presidentit Bush në Shqipëri: Falenderoj mbështetjen e tij në rrugëtimin europian
10 Qershor 2020, 21:02 -
Vdekja e Floyd, arrestohen policët e përfshirë! Trump ‘tradhëtohet’ nga të gjithë…Edhe kreu i Pentagonit distancohet nga Presidenti (VIDEO)
4 Qershor 2020, 09:02
