Vdes edhe një punëtor i autostradës

Viktima e cila ka ndërruar jetë pas aksidentit fatal në vendpunishten në fshatin Sllapuzhan, është K.B. 1973 nga Komuna e Kaçanikut, ka thënë, Vesel Gashi nga Policia e Kosovës për regjionin e Prizrenit. 
Sipas Gashit, trupi i pajetë tanimë është dërguar për procedurat mjekoligjore në QKUK, derisa drejtuesi i automjetit me të cilin ishte shkaktuar aksidenti fatal është arrestuar.

Ngjarja ka ndodhur në vendpunishte, në fshatin Sllapuzhan ku sipas hetimeve të para, aty ku janë duke u kryer punimet në Autostradën “Ibrahim Rugova”, ka ardhur kur vozitësi i cili ka qenë duke drejtuar automjetin duke mos iu përshtatur shpejtësisë e ka goditur tani më viktimën, dhe si pasojë e plagëve i njëjti ka ndërruar jetë në vendin e ngjarjes”, ka thënë Gashi.
/rg/shqiptarja.com/