POP 5

Lajmet më të lexuara të 5 minutave të fundit

Bota

Vdes edhe një i burgosur politik në Bjellorusi

Një 22-vjeçar rus, që ishte dënuar me 12 vjet burgim nën akuza për spiunazh dhe “lehtësim të aktiviteteve ekstremiste”, ka vdekur në një burg në Bjellorusi. Kështu tha më 1 nëntor qendra për të drejtat e njeriut, Vyasna.

Vdes edhe një i burgosur politik në Bjellorusi

Grilat në dritaren e një qelie burgu në Minsk të Bjellorusisë

Një 22-vjeçar rus, që ishte dënuar me 12 vjet burgim nën akuza për spiunazh dhe “lehtësim të aktiviteteve ekstremiste”, ka vdekur në një burg në Bjellorusi. Kështu tha më 1 nëntor qendra për të drejtat e njeriut, Vyasna.

Informacionet paraprake sugjerojnë se Dmitriy Schletgauer ka vdekur më 11 tetor, më pak se një muaj pasi ishte transferuar në burgun numër 15 të Mogilevit.

Shkaku i vdekjes së tij nuk është zbuluar.

Schletgauer më herët gjatë vitit ishte gjykuar për dy nene të Kodit Penal, pasi ishte arrestuar gjatë shtypjes së disidencës pas zgjedhjeve të kontestuara presidenciale të vitit 2020. Këto zgjedhje, liderit autoritar bjellorus, Alyaksaandr Lukashenka, i dhanë mandatin e gjashtë presidencial.

Schletgauer është i burgosuri i shtatë politikë që vdes në burgjet në Bjellorusi, që nga shtypja e protestave.

Schletgauer u lind në Sllavgorod të Rusisë dhe kishte fituar leje qëndrimi në Bjellorusi më 2018.

Në burgjet bjelloruse janë më shumë se 1.500 të burgosur politikë. Në mesin e tyre ka gazetarë, aktivistë të të drejtave të njeriut dhe politikanë.

Shtetet perëndimore nuk i njohin rezultatet e zgjedhjeve presidenciale të vitit 2020 dhe BE-ja ka vendosur sanksione ndaj Minskut për shkak të shtypjes së pjesëmarrësve në këto protesta./ REL

G.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 13 Mars, 08:44

    Zgjedhjet e 11 majit, cila listë e kandidatëve iu bind më shumë?

Lajme të tjera



×

Lajmi i fundit

Sondazhi i Pepolit/ Rama merr mandatin e katërt më 11 maj me 50.5% të votave! Berisha me aleatët forcë e dytë, por me rënie! Lapaj renditet i treti

Sondazhi i Pepolit/ Rama merr mandatin e katërt më 11 maj me 50.5% të votave! Berisha me aleatët forcë e dytë, por me rënie! Lapaj renditet i treti

13 Mars, 22:50