Kryetari i Bashkisë së Tiranës, Erion Veliaj, përshëndeti sot Konferencën Ministrore të Ballkanit Perëndimor, ku fokusi i diskutimit ishte përmirësimi i klimës së biznesit për investime, sidomos në turizëm, mes vendeve të rajonit, e organizuar nga Këshilli për Bashkëpunim Rajonal. Në fjalën e tij, Veliaj tha se Tirana është sot një nga qytetet më të ndërlidhura në Ballkan, e si e tillë po kthehet në një “city break” edhe për qytetarët e vendeve fqinje.
“Tirana sot është qyteti më i ndërlidhur në Ballkan, me 105 fluturime në ditë. Shumë prej kolegëve nga vendet e rajonit vijnë në Tiranë për t’u lidhur me disa pjesë të Europës, ku aeroporti ynë dhe ulja e barrierave, e ka bërë jashtëzakonisht të lehtë mundësinë për t’u lidhur me kosto shumë të përballueshme,” tha Veliaj. Ai theksoi se po diskutohet zgjatja e sezonit turistik, teksa theksoi se përpara pandemisë Tirana ishte e mbipopulluar nga turistët.
“Në vitin 2019, Tirana kishte më shumë turistë sesa banorë. Për një qytet që s’ka as det dhe nuk është le të themi, një qytet klasik si Parisi apo Athina, pra jo një qytet me histori mijëravjeçare, ky është sukses sepse ka sjellë lloj turizmi që quhet ‘city-break’”, deklaroi ai.
Ai u ndal edhe te finalja e Conference League, që do të zhvillohet në Tiranë në 25 Maj. Veliaj theksoi se për shkak të ndeshjes hotelet kanë tejkaluar kapacitetet akomoduese, aq sa sot është e vështirë të gjesh një vend të lirë në hotel. Ai tha me shaka se për shkak të kësaj mbingarkese, edhe kryetarët e Bashkisë së Romës dhe të Roterdamit, që do të vijnë në Tiranë për të ndjekur ndeshjen, “po hyjnë miq” për të gjetur një vend në hotel.
“Kam një mesazh edhe për ne që jetojmë në Tiranë: Ne o do bëjmë histeri, o do bëjmë histori, sepse s’mund t’i bëjmë të dyja. Nuk mund të ulërasim ‘çfarë janë këto kulla dhe oligarkë, e pastrimi i parave’, nëse s’kemi fakte. Po të kemi fakte, patjetër duhet të shkojmë në prokurori. Por, ja ku jemi sot, ia mbërritëm ditës që në Tiranë nuk ka më vend në hotele. Pra, nëse ne duam të jemi lojtarë globalë në këtë ‘lojë’, në këtë sfidë, që Majlinda hapi për të gjithë rajonin, do duhet të sillemi si njerëz seriozë. Nëse na kaplon histeria, xhelozia, smira dhe fillojmë i bëjmë llogaritë tjetrit, nuk e kuptojmë se një hotel si ky, që po ndërtohet këtu, nëse shtrihet horizontal do të zinte gjithë “Nënë Terezën”; nëse hotel “Plaza” do shtrihej në 4-5 kate, do zinte gjithë sheshin “Skënderbej”. Ajër kemi, tokë nuk kemi mjaftueshëm, sidomos tokën në qendër të Tiranës, ku duan të jenë të gjithë”, deklaroi ai.
Veliaj nënvizoi edhe faktin se nëse duam të jemi një vend i mirëfilltë turistik, duhet të pranojmë të kemi edhe hotele të larta, në gjendje që të mund të përballojnë aktivitete të përmasave të tilla si finalja e një kupe europiane.
“Për ne që banojmë këtu është shumë e rëndësishme të fillojmë të sillemi si të rritur dhe si njerëz të pjekur, sidomos tani që janë liberalizuar vizat, sidomos tani që kemi parë botë me sy. Bëjmë histeri për çdo ndërtim... harrojmë që çunat dhe gocat që punojnë në fushën e turizmit nuk janë për garniturë dhe fotografi, sa për të thënë “urra, ja dhe arsimi profesional”. Po ku do punojnë ata? Hoteli ku jemi sot punëson, duke filluar nga roja që ju priti te dera, taksitë e rreshtuara jashtë, zonjat që fshinin dyshemenë, tek hidraulikët, elektriçistët, recepsioni, kuzhina, kamarierët, banakierët, e gjithë infrastruktura që punon këtu, janë vende pune dhe turizmi është ekonomi. Pra, nëse ne duam të jemi vend turistik, do pranojmë të kemi këto hotele të larta dhe hapësira që të akomodojnë aktivitete të mëdha. Në një vit si ky, ku Tirana ka mesatarisht 10-12 aktivitete të tilla në ditë, kërkohet të bëhemi njerëz seriozë, që kanë parë botë me sy dhe që nuk ulërasin për këdo tjetër. Nëse dikujt i është penguar mundësia të zhvillojë, ai ka të drejtë të ankohet. Por, për sa kohë ky treg është liberalizuar, kush ka takatin, kush ka besimin e bankave, kush ka mundësinë, kush merr riskun të bëjë biznes në turizëm, sigurisht që do mbështet me 0 burokraci”, tha Veliaj.
Konferenca Ministrore e Ballkanit Perëndimor, me temë “Heqja e Barrierave për Zhvillimin e Qëndrueshëm të Turizmit”, mblodhi ministrat e linjës nga Ballkani Perëndimor, përfaqësues nga Komisioni Europian dhe palë të tjera të interesuara për të diskutuar mbi përmirësimin e klimës së biznesit për investime të qëndrueshme në turizëm.
Komente
Lajme të tjera
-
Rikthehet 'Parada Shqiptare' më 28 Nëntor në Tiranë! 300 grupe artistike nga Diaspora do të mblidhen në kryeqytetin shqiptar
23 Nëntor, 15:48 -
Veliaj inspekton terminalin veri-perëndimor: Investim i ri që lehtëson trafikun dhe modernizon transportin
23 Nëntor, 11:51 -
Vrasja e Martinit/ Shoqëria civile deklaratë para shkollës 'Fan Noli': Bojkot mësimit nëse nuk merren masa, të dorëhiqet Manastilriu
23 Nëntor, 10:42 -
Gjendet thika me të cilën u vra Martini, autori e hodhi në tarracën e një godine pranë Gjykatës së Apelit, e pikasi një banor! Mister kush e çoi në spital (VIDEO)
23 Nëntor, 10:09
-
Policia i ‘kap mat’ në tavolinën e pokerit, 29 të arrestuar në Tiranë! 1 në kërkim, sekuestrohen para (EMRAT)
23 Nëntor, 09:43 -
Vrau në Krujë vëllezërit Bardhi pasi i plagosën vëllanë, Gjykata e Tiranës dënon me burgim të përjetshëm Roland Pulën
22 Nëntor, 21:19 -
Tiranë/ Policia po zhvillon operacion kundër lojërave të fatit, kapen disa persona
22 Nëntor, 21:19 -
Vrasja e Martinit/ Gjendet pranë Gjykatës së Apelit thika, me të cilën u kry krimi! Bashkë me të edhe çanta e shkollës e 14 vjeçarit të arrestuar si autor
22 Nëntor, 21:09 -
Vrasja e Martinit, zbardhet audioja tronditëse në mbledhjen e prindër te 'Fan Noli': Autori nxori thikën në klasë, mbani përgjegjësi
22 Nëntor, 20:30 -
Gruas i duhet të pastrojë vetë pusetën për të shpëtuar nga përmbytja! Shikoni videon tek 'Myslym Shyri' në Tiranë (VIDEO)
22 Nëntor, 18:23 -
Tiranë/ Plagosja e 20-vjeçarit në 'Qytetin Studenti', arrestohet 19-vjeçari nga Kamza! Nën hetim edhe personi që i shiti thikën
22 Nëntor, 15:46 -
Vrasja e Klaudio Prendit/ Ishte në kafe me 3 policë, njëri ndoqi mjetin e autorëve pas ekzekutimit! Vrasësit me 'Audi A4' vëzhguan zonën para krimit
22 Nëntor, 10:47
Nuk di dmth...
Përgjigju