Në vigjilje të festës së Krishtlindjes, kryetari i Bashkisë së Tiranës, Erion Veliaj dhe përfaqësues të Kishës Orthodhokse shërbyen një vakt të ngrohtë për njerëzit në nevojë në qendrën sociale “Gonxhe Bojaxhi”. Veliaj tha se t’iu qëndrosh pranë, në këto ditë festash, njerëzve që ndodhen në vështirësi, është ilaç për këdo në nevojë.
“Vështirësitë me tërmetin dhe pandeminë na mësuan se gjëja më e rëndësishme nuk janë tullat dhe llaçi, por të kemi njëri-tjetrin, të jemi bashkë, të ndihmojmë shokë e shoqe, të kalojmë kohë së bashku, jo vetëm për një vakt, sepse unë besoj se ajo që kemi më shumë nevojë të mbushim nuk është stomaku, por është zemra dhe mendja jonë. Sëmundja më e madhe është vetmia, sidomos kur vijnë festat, kur dikush ka fëmijët jashtë, kur dikush është larg shtëpisë, kur dikush ka humbur një nga bashkëshortët, është burrë i ve ose grua e ve, kur dikush është me ndihmë ekonomike, kur dikush ka një person me aftësi të ndryshe. Vetmia është një sëmundje për të cilën nuk ka vaksinë, por ka shërim: mjafton të kalosh kohë me dikë,” u shpreh ai.
Veliaj ftoi të gjithë të bëhen pjesë e një rrjeti solidariteti, që askush të mos ndihet i vetmuar në festa në Tiranë. “Tiranën e mbajnë njerëzit, fryma e solidaritetit dhe e dashurisë, sidomos në fundin e vitit, kur kemi festën e Krishtlindjes dhe Vitit të Ri. Thirrja ime është të shërbejmë në mensat sociale, të bëhemi pjesë e rrjetit të solidaritetit, të gjejmë familjet në nevojë në komunitetin tonë dhe t’u çojmë një pako ushqimore, ose një lodër për Vitin e Ri”, tha kryetari i Bashkisë.
Nga ana tjetër, ai theksoi se bashkia nuk e bën dot i vetëm këtë punë, ndaj duhet kontributi i të githëve.
“Në këtë qytet me një milion banorë ka shumë njerëz, të cilëve u ka ecur jeta mbarë, që i ka bekuar me më shumë se kanë nevojë. Unë njoh shumë njerëz në nevojë, por jo të gjithë, po ashtu edhe Kisha Orthodhokse mund të dijë shumë njerëz në nevojë, por ndoshta nuk i di të gjithë. Te pallati juaj, secili e di kush është në nevojë, kush është me aftësi ndryshe, ose kush është i vetmuar. Thirrja ime është për të gjithë ata qytetarë që e kanë mundësinë, të ndajmë një vakt, të ndajmë një lodër, të ndajmë një palë veshje të ngrohta për dimër. Mund të ndajmë edhe vetëm një urim për dikë që është fillikat dhe ka nevojë të ndjejë solidaritet”, tha Veliaj.
Komente
Lajme të tjera
-
Krishtlindjet, At Grigor Pelushi në Report Tv: Festa kryesore e krishtërimit, në 24 dhjetor shërbesa e vigjiljes! Perëndia zbriti nga froni për të shpëtuar njerëzimin
18 Dhjetor, 14:49 -
Proteston mamaja e Martin Canit: E çova në shkollë Martinin, por si më erdhi?
18 Dhjetor, 14:27 -
FOTOLAJM/ Ja si bllokohet trafiku në zonën e Bllokut në Tiranë
18 Dhjetor, 13:47 -
Grupi i trafikut të armëve Shqipëri-Kosovë, zbulohen detajet e operacionit! Ja si i bëri Policia blerjet me agjentë të infiltruar dhe roli i taksistit
18 Dhjetor, 13:09
-
Tiranë/ Shkarkonin inerte në vende të paligjshme, arrestohen 2 persona, nën hetim 2 të tjerë! U vendoset 15 milionë lekë gjobë
18 Dhjetor, 13:06 -
Spiropali pret anëtarët e Këshillit Koordinues të Diasporës: Diskutuam mbi mundësinë e votimit në zgjedhje! Mësimi i gjuhës shqipe nga fëmijët
18 Dhjetor, 12:40 -
Hapet gara për ndërtimin e hekurudhës Vorë - Hani i Hotit, Gonzato: Ndihmon lëvizjen ekologjike dhe zhvillon turizmin! Shqipëria po ecën me reformat, BE e mbështet
18 Dhjetor, 10:49 -
Dorian Teliti sulmon kryebashkiakun e PD, Fisnik Qosja: Kavaja, një qytet i vdekur
18 Dhjetor, 10:02 -
Veto Surroi: Dhjetori i demokracisë dhe një shenjë normaliteti
18 Dhjetor, 09:52
-
U përfshi në aksident, mjeku nuk u mbijeton dot plagëve! Humb jetën te Trauma
18 Dhjetor, 09:35 -
Protestoi te ‘Infrastruktura’ se nuk i jepnin fondin e rindërtimit, 62-vjeçares i premtohet zgjidhje pas denoncimit në Report Tv! Natën e kaloi para Ministrisë
18 Dhjetor, 08:50 -
Fshihet emri Air Albania nga stadiumi në Tiranë, arena e Kombëtares është gati për emrin e ri
17 Dhjetor, 19:39
/GJERGJI/,kisha ortodokse shqiptare nuk perdor kalendarin julian qe perdor kisha ruse.Ruset do t'i festojne Krishtlindjet ne Janar.
PërgjigjuBo bo bo, kush èshtè mè mashtrues nga kèta tè dy? Ky me rrobdishan? Apo ky i fiqve qè tani parkon mercedesin me inicialet e tij tek bulevardi? Ata qè ofrojnè ndihmè tè tillè, nuk bejne shfaqje, more "njerèz bujarè". Ai me rrobdishan, qè e festin krishtlindjen me kalendarin e Rusisè, e di kètè,,,,po qe se ky i fiqve nuk e di. Sa herè qè ky bèn diçka, bombardohen shqiptarèt nè darkè me "pamje bamirèsie".
PërgjigjuE shikoni mo njeres te dashur,por "mosmirnjohes" sa i digjet e pervelohet shpirti erit99 dhe papuanastasios per popullin. Shikoni,shijoni,kenaquni dhe mendoni o njeres.
Përgjigju