Në mbledhjen e sotme të Këshillit Bashkiak, ku u shqyrtuan dhe miratuan projekt-vendime të rëndësishme për transformimin e kryeqytetit, por edhe për t’i dhënë impuls programit ambicioz të Tiranës si “Kryeqyteti Evropian i Rinisë 2022”, kryetari i Bashkisë së Tiranës, Erion Veliaj dha lajmin e mirë se do të ketë një shtesë fondi për të mbështetur klubet sportive Tirana, Partizani dhe Studenti. Veliaj nënvizoi se Bashkia e Tiranës ka një fokus të qartë në investimet për sportin në kryeqytet.
"Ne si bashki jemi pronarë të të gjitha klubeve sportive, përveç futbollit, ku jemi vetëm pjesërisht. Por, edhe në futboll, vendimi i gjykatës na dha të drejtë, ku edhe Federata Shqiptare e Futbollit e njohu Shoqatës Rajonale të Tiranës. Mesazhi që dhamë me atë betejë është se ti në Tiranë nuk e shkel fair play-n, nuk luan me faulle, nuk bën gol me dorë dhe nuk i vjedh votat. Pasi u njohëm edhe nga gjykata si Shoqatë, do t’i japim një rëndësi edhe futbollit. Nuk flas këtu për futbollin elitar, por për mbi 250 klube ku shkojnë fëmijët e vegjël nëpër lagje, në ato fushat sportive që ka investuar bashkia, dhe tani që edhe shoqata është e njohur nga gjykata dhe ajo betejë u shpërblye me një palë zgjedhje të ndershme dhe jo të vjedhura në Tiranë, ne do t’i përgjigjemi gjithashtu edhe me financat tona", theksoi Veliaj.
Kryebashkiaku listoi disa nga ambientet sportive që shumë shpejt do i shërbejnë fëmijëve dhe qytetarëve të Tiranës.
“Brenda këtij muaji kemi disa fusha që do t’i marrim në dorëzim, si fushat te Liqeni, pas një kontrate 20-vjeçare të përfunduar me privatin. Është e njëjta gjë që ndodhi tek “7 xhuxhat” - e mori bashkia, nuk u bë pallat, por në tokën e bashkisë u bë parkingu publik, kurse këndi i lodrave sipër parkingut. Ashtu siç kemi marrë në përfundim të këtyre kontratave shumë prej pronave që i janë rikthyer bashkisë dhe i janë vënë në dispozicion qytetarëve, të njëjtën gjë do bëjmë edhe tek fushat e Klubit Sportiv Dajti. E pashë edhe aty histerinë që u krijua - iu mbaroi kontrata 20-vjeçare, do i marrë bashkia, do t’i ri-investojë për ta kthyer prapë edhe atë në një fushë tjetër futbolli. Edhe pishinat do t’ia rikthejmë Federatës së Notit”, pohoi Veliaj.
Lajme të tjera
-
Hapet tregu i gjelave të detit në Baldushk, apeli i kryebashkiakut Veliaj: Konsumoni produktet lokale për të ndihmuar familjet e zonës
22 Dhjetor, 12:12 -
Veliaj inspekton punimet në shkollën ‘Ibrahim Hima’ në Vaqarr: Llafet e sherret i merr era, shkollat mbeten
21 Dhjetor, 13:41 -
Trafiku në Tiranë, eksperti: Problem menaxhimi i rrugëve! Propozimet për zgjidhje, parkime jashtë Unazës së Vogël e sinjalistikë e përkohshme
21 Dhjetor, 12:30 -
Konferenca e Solidaritetit Islamik, Veliaj pret Sekretarin e ISSA-s dhe presidentin e KOKSH: Më shumë partneritet për sportin
20 Dhjetor, 14:45 -
'Ore hapeni rrugën se kam fëmijët në shkollë', opozita përplaset me qytetarët para Bashkisë së Tiranës, iu bllokon rrugën
20 Dhjetor, 13:31 -
Veliaj inspektim në shkollat ‘Mustafa Greblleshi’ dhe ‘Sandër Prosi’: Me mure rrethuese dhe terrene të reja sportive për fëmijët
19 Dhjetor, 14:06 -
Tiranë/ 7 objekte mësimore janë në proces ndërtimi ose rikonstruksioni
18 Dhjetor, 18:28 -
Tiranë/ Këshilli Bashkiak miraton buxhetin! Bursa për ekselentët, paketë ushqimore në shkolla! Veliaj: Nga 1 janari pensionistët abone falas! 7 objekte mësimore në rikonstruktim
18 Dhjetor, 18:09 -
Përfitojnë 177 mijë pensionistë në Tiranë/ Nis aplikimi i të moshuarve për abone falas
18 Dhjetor, 17:49 -
Nga Kopshti Botanik te transformimi i akuadromit, Veliaj prezanton disa nga projektet: Numri i shkollave do shkojë në 50
17 Dhjetor, 17:28 -
Tiranë/ Për herë të parë konferenca e solidaritetit islamik! Veliaj: Sporti mundësia më e mirë për të bashkuar njerëzit
17 Dhjetor, 17:17 -
Nga 1 janari 2025 pensionistët do udhëtojnë me abone falas në Tiranë, ja cilët janë përfituesit dhe dokumentet e nevojshme
16 Dhjetor, 22:05
