POP 5

Lajmet më të lexuara të 5 minutave të fundit

Sociale

Veliaj i jep 'Çelësin e Qytetit' studiuesit britanik! Timothy Garton Ash: Falë jush, Tirana sot një prej destinacioneve më të pëlqyera nga turistët në Europë

Veliaj i jep 'Çelësin e Qytetit' studiuesit britanik! Timothy Garton Ash: Falë jush, Tirana sot një prej destinacioneve më të pëlqyera nga turistët në Europë

Erion Veliaj dhe Timothy Garton Ash

Kryetari i Bashkisë së Tiranës, Erion Veliaj, priti në takim studiuesin dhe autorin britanik Timothy Garton Ash, i cili ndodhet në Tiranë për të prezantuar librin e tij “Homelands”, i përkthyer në shqip me titullin “Vendet e mia”. Veliaj i dhuroi autorit “Çelësin e Qytetit” dhe e falënderoi për kontributin e dhënë për Tiranën.    

“Është një kënaqësi e jashtëzakonshme të kemi në qytetin tonë një historian të madh dhe një aktivist të shquar si Timothy Garton Ash, i cili jo vetëm përfaqëson më të mirën e Britanisë së Madhe, por edhe më të mirën e botës perëndimore dhe aktivizmit të tij që në vitet ’70, kur ai ka vizituar Shqipërinë, në luftën për të emancipuar dhe hapur shoqëritë pas rënies së komunizmit. Jam shumë i lumtur që je kthyer në vitet ‘90 dhe më në fund po viziten Tiranën e vitit 2023. Ky qytet ky vend ka gjithmonë nevojë për mendje të kthjellëta, edhe për të pasuruar veten me historinë e të tjerëve, e ndoshta për të mos përsëritur gabimet e të tjerëve. Si historian, si mik dhe si aktivist i shquar, dua që ta ndjesh këtë qytet si qytetin tënd. Faleminderit për kontributin dhe për frymëzimin”, tha Veliaj. 

Historiani Timothy Garton Ash tha se ndihet vërtet i mirëpritur në Tiranën që e gjeti totalisht të transformuar dhe që është kthyer në një prej destinacioneve më të pëlqyera nga turistët në Europë.

“Në Tiranë kam ardhur për herë të parë në vitin 1978. Asokohe ishte një qytet shumë i ndryshëm, pa vendet tërheqëse fantastike që ka tani. Mendoj se mund ta themi pa mëdyshje që nuk ishte ‘cool’ në atë kohë, dhe ja ku jemi 45 vite më vonë, e tani falë jush dhe kolegëve tuaj, është një qytet i transformuar, duke u kthyer në një prej destinacioneve më të pëlqyera nga turistët në Europë. Kjo tregon se mrekullitë mund të ndodhin!”, tha ai. 

Timothy Garton Ash është autor i 11 librave, të cilët fokusohen te transformimi i Evropës gjatë gjysmëshekullit të fundit. Ai është profesor i Studimeve Evropiane në Universitetin e Oksfordit, studiues dhe bashkëpunëtor në Institutin Hoover, Universiteti i Stanfordit dhe gjithashtu analist i rregullt i çështjeve ndërkombëtare në të përditshmen britanike, “The Guardian”.

B.V/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    A jeni dakord me vendimin e gjykatës për detyrim paraqitje të Berishës?

Lajme të tjera



×

Lajmi i fundit

Francë/ Mbledhja e parë të Këshillit të Ministrave të qeverisë Bayrou, Marcon bëri thirrje për guxim dhe stabilitet

Francë/ Mbledhja e parë të Këshillit të Ministrave të qeverisë Bayrou, Marcon bëri thirrje për guxim dhe stabilitet

3 Janar, 22:53