POP 5

Lajmet më të lexuara të 5 minutave të fundit

Veliaj i përgjigjet deputetit milioner nga Kosova: Interesi publik mbi çdo projekt tjetër

Ne foto, deputeti i Partisë Demokratike të Kosovës, Ramiz Kelmendi

Biznesmeni nga Kosova, njëherësh deputet i Partisë Demokratike të Kosovës, Ramiz Kelmendi publikoi dje një letër të hapur drejtuar kryetarit të Bashkisë së Tiranës, Erion Veliaj në lidhje me projektin e ndërtimit të një qendre tregtare në zonës e kthesës së Kamzës. Ai ankohet se toka ku ka planifikuar të ndërtojë këtë qendër tregtare do t'i dhurohet Bashkisë. Menjëherë pas kësaj Bashkia e Tiranës ka reaguar duke thënë se shpronësimi në këtë zonë do të bëhet në interes të qytetarëve të Tiranës.

Letra e biznesmenit Ramiz Kelmendi drejtuar kryebashkiakut te Tiranes, Erion Veliaj

"Letër e hapur,

Kryetarit të Bashkisë së Tiranës z. Erion Velijaj

I nderuar kryebashkiak Velijaj, tre vite më parë në zyrën tuaj e ku ishin prezent edhe stafi juaj professional-teknik, kërkova mendim profesional rreth blerjes së prones për ndërtimin e ETC-së.
Në pyetjen time se a ka ndonjë kontest, interes publik për parcellën në fjalë, të gjitha përgjigjet nga ana juaj ishin në favor dhe mbështetje të ketij projekti.

Sa për ri-kujtim, isha deputet i Kuvendit të Republikës së Kosovës. Nuk prisja trajtim të veçantë, por të paktën mbajtje të fjalës dhe përkushtimin tuaj si ndaj një investitori dhe qytetari të Kosovës. Fatkeqësisht ndodhi e kundërta. Çështja u prolongua në dhënjen e lejës dhe u detyrova të vij tek ju sërish në takimin e radhës 15 muaj pas takimit të parë. Gëzova sërish të njejtën mbështetje verbale nga ju sikur edhe në takimin e parë. Në këtë periudhë të takimit tonë të dytë isha zv/Kryeministër i Republikës së Kosovës dhe sërish u trajtova si një qytetarë i thjeshtë. Nuk e kasha brengosje as kësaj rradhe. Pas shumë pritjesh, pra 3 vite për të zbardhur lejen e ndërtimit (pritje e gjatë apo e shkurtër) le të vendosni ju dhe opinion), në nëntorë të vitit 2018, zbardhët dokumentin për pagesën e taksës së ndërtimit dhe infrastrukturës që ishte në vlerë prej 1 milion e 680 mijë euro. Kjo shumë u pagua nga ana jonë dhe ishim duke pritur zbardhjen formularit, që sipas ligjit duhej të zbardhej në afatin prej 5 ditësh. Kaluan ditët, afatet dhe pas tre muajve edhe pse hyri në fuqi me bazë ligjore, ne me instruksion të institucioneve ligjore filluam informimin me shkrim procedural tek të gjitha organet e nevojshme për fillimin e rrethimin dhe parapërgatitjet për vendosjen e gurëthemelit në të cilin do merrnit pjesë edhe ju si kryebashkiak, për gëzimim që investimin po e bënë investitori nga Kosova. Në këtë pikë ndodhi ajo që parashihte prolongimi i lejs. Erdhën në punishte inspektorët tuaj pa asnjë vendim për të pezulluar punët dhe për të rrënuar rrethojat në orët e vona të së shtunës, duke dashur të friksojnë kompaninë ndërtuese.

Nuk e di dhe mbetem i befasuar përse ndodhi kjo ?

Njerëzit tuaj na plotësuan me përgjigje ndaj kësaj befasie. Tani kërkohet që ne t’ua falim bashkisë pronën në fjalë. Absurd. Me keqardhje po ju theksojë se detyrimi juaj që ne ti japim Bashkisë dhuratë me shantazhim, pronën në vlerë prej mbi 5 milion eurosh, tregon një çmenduri rinore. Bile na u tha se po që se nuk e japim pronën në këtë mënyrë, ne nuk do të ndërtojmë kurrë objektin e cekur.

Andaj z. Velijaj, publikisht po ju kërkoj të hiqni dorë nga këto aventura të cilat do dëmtojnë rëndë imazhin e të dyja palëve dhe do ndikojnë negativisht në politikat lokale për investitorët nga Kosova.

Ramiz Kelmendi - Deputet i Parlamentit të Republikës së Kosovës"

Vetë Bashkia e Tiranës ka reaguar pas kësaj deklarate të biznesmenit nga Kosova. Në deklaratën e saj thuhet se toka që do të shpronësohet do të përdoret për ndërtimin e një terminali të domosdoshëm për banorët e kryeqytetit, duke shtuar se interesi publik është më i rëndësishëm se cdo projekt tjetër

Reagimi i plotë:

Bashkia e Tiranës, mbështetur në politikat e saj dhe në strategjinë e zhvillimit të qëndrueshëm të transportit në qytetin e Tiranës, në bashkëpunim me Bankën Europiane për Rindërtim e Zhvillim (BERZH), ka identifikuar nevojshmërinë e krijimit të një terminali multimodal për transportin publik në Bashkinë e Tiranës.

Për këtë qëllim, Këshilli i Ministrave ka miratuar disa akte nënligjore, në funksion të vijimit të procedurave për realizimin e këtij projekti. Me vendimin nr. 770, datë 10.11.2011, Këshilli i Ministrave ka vendosur kalimin në pronësi të Bashkisë së Tiranës, të truallit me sipërfaqe 85.000 m2, me qëllim përdorimin e saj për ndërtimin e Terminalit Multimodal të Pasagjerëve.

Me anë të vendimit nr. 445, datë 22.05.2013, Këshilli i Ministrave ka përcaktuar Bashkinë e Tiranës, si autoritetin kontraktues për dhënien me koncesion vendor të projektimit të ndërtimit, financimit, operimit dhe transferimit të terminalit të transportit publik në qytetin e Tiranës.

Së fundmi, nga disa takime të përbashkëta ndërinstitucionale, jemi bërë me dije se Qeveria Qendrore, nëpërmjet shoqërisë Hekurudha Shqiptare sha, Ministrisë së Infrastrukturës dhe Energjisë dhe në bashkëpunim me Bankën Evropiane për Rindërtim dhe Zhvillim, po punojnë për zhvillimin e projektit të linjës hekurudhore Durrës-Tiranë -Rinas dhe ndërtimit të stacionit të Terminalit Hekurudhor. Ky terminal hekurudhor, synohet që të integrohet në terminalin multimodal për transportin publik në Bashkinë e Tiranës, projekt i cili po finalizohet nga ana e Bashkisë së Tiranës.

Në lidhje me ndërtimin e Terminalit Hekurudhor, tashmë shoqëria Hekurudha Shqiptare sha i është drejtuar zyrtarisht Bashkisë së Tiranës mbi bashkëpunimin për zhvillimin e këtyre dy projekteve madhore në fushën e transportit publik. Në dispozicion të këtyre dy projekteve, përveç pronës në pronësi të Bashkisë së Tiranës, duhet të vendosen dhe disa prona private, vendosja e të cilave do të realizohet nëpërmjet procedurave ligjore të shpronësimit publik.

Për sa më sipër, ku interesi publik dhe ai i qytetarëve mbizotëron mbi çdo projekt tjetër, Bashkia e Tiranës dhe Ministria e Infrastrukturës dhe Energjisë do të bashkëpunojnë për të siguruar funksionalitetin optimal dhe zhvillimin e këtyre dy projekteve, në shërbim dhe funksion të qytetarëve të vendit tonë.

m.v./d.ba./Shqiptarja.com
Komento

Komente

  • shkodran: 12/02/2019 11:06

    Nji gja nuk kuptova ne sqarimin e Bashkise Tirane:Deputeti i Kosoves thote qe takimin e pare e ka zhvilluar me Veliajn ne vitin 2016, ku i eshte dhene OK nga Kryetari i BAshkise. Leja i eshte zbardhur ne nentor te vitit 2018.... e Nderkohe qe ne sqarim Veliaj thote se Keshilli i ministrave ne vitin 2011 ka vendosur qe ajo prone ti kaloje ne pronesi te Bashkise Tirane !!! Ndekohe qe ne vitin 2013 po keshilli i ministrave na paska marre nje tjeter vendim, ku ka ka përcaktuar Bashkinë e Tiranës, si autoritetin kontraktues për dhënien me koncesion vendor të projektimit të ndërtimit, financimit, operimit dhe transferimit të terminalit të transportit publik në qytetin e Tiranës!!!! Pra ne rastin me te mire ketu kemi nje pabesi te Veliajt ndaj deputetit kosovar e ne rastin ma te keq nje grabitje dhe tradheti.Deputeti Kosovar eshte mashtruar ligjerisht dhe moralisht.Ishalla ia han kryte, se me pagu tjetri tane ate lek .... e me ta marre shteti, me pabesi nuk asht e kollajte...Kesaj i thene me te mbyte zullumi..

    Përgjigju
    • Arbër: 12/02/2019 17:21

      Kjo kompani është e paster serbe nga fillimi (tre vllëzer Kariq nga Peja) dhe me ramizin pjesëtar i kompanisë. Njeri nga vllazrit Kariq jeton në Rusi dhe ndiqet nga organet serbe për shumë kohë, e ramizi përveq tregtis me serb kryen edhe pun tjera sepse është pjesëtar i BIA - S SERBE! Prandaj përmes tregtis don t'i fus duart edhe në Shqipëri për interesa serboruse, kujdes vllëzer shqiptarë mos lejoni që ky njeri të futet në Shqipëri...!!!

    • Hgf: 12/02/2019 16:36

      Nga mendon se i merr leket e financimit Ramiz Kelmendi?

  • Bdhdh: 11/02/2019 19:35

    Ka paguar 1.68 miljon euro burri huj. Kthejani leket bashk me interesat dhe blijani token. E pastaj i thoni te ik te q**et.

    Përgjigju
  • xXx: 11/02/2019 18:02

    Habitem me këtë deputetin nga Kosova çfarë kërkon?Me Lali Plehrin merresh ti mor djalë.Ai vret dhe babanë e vet për një çikë karrige dhe besomë që isha shumë delikat me Lali Erin me këtë frazë...

    Përgjigju