POP 5

Lajmet më të lexuara të 5 minutave të fundit

Politikë

Veliaj me banorët e njësisë 4: PD-LSI sollën në Tiranë ekipin e humbësve, duan që populli të harrojë Gërdecin, 21 Janarin dhe bllokun e Metës

Kryebashkiaku u bëri thirrje qytetarëve të mos harrojnë se ç'kanë bërë Lulzim Basha me Monika Kryemadhin kur ishin në qeveri, duke kujtuar Gërdecin, 21 Janarin apo edhe bllokun e famshëm të Metës.

PD dhe LSI kanë sjellë në Tiranë ekipin e tyre të humbësve. Me këto fjalë iu drejtua banorëve të Njësisë 4, drejtuesi politik i Partisë Socialiste për Tiranën, Erion Veliaj. Kryebashkiaku u bëri thirrje qytetarëve të mos harrojnë se ç'kanë bërë Lulzim Basha me Monika Kryemadhin kur ishin në qeveri, duke kujtuar Gërdecin, 21 Janarin apo edhe bllokun e famshëm të Metës.

“Po shpërndajnë të gjithë humbësit. E kishin Gridën te Njësia 1, mori rezultatin më të dobët për PD-në. Tani ma kanë sjellë në Kavajë dhe në Rrogozhinë. E kishin Joridën te Njësia 8, bastion i djathtë, por e kemi kthyer në bastion të majtë - dhe tani e riciklojnë në Nësinë 4. Aldo Bumçi humbi në Lezhë, e sollën te Njësia 1. Është kthyer riciklimi i humbësve, si ajo loja e fëmijëve me karriget, që të harrojnë ku janë ulur. Vetëm se qeverisja e vendit nuk është punë për fëmijë. Tha Monika “kjo është studente e shkëlqyer”, hapëm sytë ne: Ajo na doli me pesa! Pra, sipas Monës, të shkëlqyerit qenkan pesanjosët. Vetëm për fyerjen që na kanë bërë me patllaken kundër kalamajve dhe me pesanjosët, Tirana duhet t’u japë përgjigjen: Ne do vazhdojmë me Edi Ramën, do vazhdojmë me PS-në. Mona dhe Luli duan që populli të harrojë: të harrojë Gërdecin, 21 Janarin, bllokun e Ilir Metës dhe ’97-ën e Saliut. Ata e kanë vënë bastin se ne harrojmë bëmat e pronarëve të tyre, të Metës dhe të Saliut. Ne e kemi vënë bastin që populli kujton dhe nuk vuajmë nga amnezia. Për sa kohë që kemi vënë bastin te kujtesa, duhet që këto 10 javë të jenë javë kujtese. Si ishin gjërat, si po punohet, si janë transformuar, dhe e ardhmja e punët që na presin,” tha Veliaj.

Kryebashkiaku shtoi se Partia Socialiste në Njësinë 4 do marrë një rezultat spektakolar, pasi sipa tij puha shpërblehet gjithmonë.

“Jo vetëm se është kthyer e gjithë Njësia në kantier pune, por është njësia që tipikisht i është përgjigjur sjelljes së politikës. Kur politika ka punuar, është shpërblyer. Kur politika ka dështuar, siç ishte patllakja e Strazimirit te këndi i lodrave, i ka dhënë shkelmin dhe ka 8 vite që s’duken më deputetët e PD. Është njësia tipike ku puna shpërblehet, ku njerëzit janë të ndershëm, ku njerëzit kanë parë transformimin e qytetit, ku njerëzit kanë parë si është rritur vlera e pronës, si po punohet në çdo front,” tha Veliaj.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Edi: 10/02/2021 19:57

    Ec para spiderman! Nga kantieri ne kantier. Edhe Enveri nuk pati kaq shume kantiere. Ore mire qe ka 8 e kusur vite kantiere, po kur do mbarojne apo ne proces edhe per 200 vjet.

    Përgjigju
  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

'Mbi 100 mijë çekë po vijnë për turizëm në Shqipëri', Spiropali takim me homologen Adamova

'Mbi 100 mijë çekë po vijnë për turizëm në Shqipëri', Spiropali takim me homologen Adamova

25 Nëntor, 13:15