POP 5

Lajmet më të lexuara të 5 minutave të fundit

Politikë

Veliaj: Me projektet e mëdha ia ndërruam dhe nderuam faqen Tiranës, duke e kthyer në një kryeqendër ballkanike

Kryebashkiaku i Tiranes, Erion Veliaj në videomesazhin e tij javor për qytetarët e Tiranës, renditi disa nga projektet e mëdha të realizuara vitet e fundit.

Kryebashkiaku i Tiranes, Erion Veliaj në videomesazhin e tij javor për qytetarët e Tiranës, renditi disa nga projektet e mëdha të realizuara vitet e fundit.

“Nuk mund të rri pa përmendur disa projekte të mëdha, që ia ndërruan dhe ia nderuan faqen Tiranës, duke e kthyer në një kryeqendër ballkanike si: Sheshi “Skënderbej”, ku ne kemi pasur mundësinë të zhvillojmë një pafundësi aktivitetesh pa makina, i dedikuar për njerëzit; si “Pazari i Ri”, që është kthyer në një hapësirë ikonë për Tiranën; “Bulevardi i Ri”, që do të jetë Tirana e 100 viteve të ardhshme, si një zgjatim i shtyllës kurrizore të qytetit tonë; Stadiumi “Arena Kuqezi”, që me gjithë debatin, sot është kthyer në një hapësirë fantastike, jo vetëm për sport, por edhe për ekonominë lokale; sheshi “Italia”; siç është Kalaja, apo Piramida, që presim të hapim; apo si Parku i Liqenit, ku pastruam gjysmën e zaptuar në ish-komunën Farkë dhe ndërkohë shumë shpejt do të hapim Liqenin e Farkës, si mushkëria e dytë e qytetit,” u shpreh Veliaj.

Ai përmendi investimet në infrastrukturën arsimore ku nuk ishte ndërhyrë prej vitesh.

“Vetëm kohët e fundit kemi hapur 43 shkolla të reja, që sot shërbejnë edhe si qendra komunitare, me standarde bashkëkohore europiane dhe me klasa të kodimit dhe teknologjisë, që s’i kemi parë kurrë më parë”, tha Veliaj.

Kreu i Bashkisë tha se janë shtuar hapësirat publike dhe ato të gjelbra.  

“Përkujdesja ndaj përditshmërisë dhe jetës së shëndetshme ka qenë një mision që e kemi ndjekur në çdo moment të këtij mandati dhe të kësaj skuadre në Bashkinë e Tiranës, përmes hapësirave publike, që janë kthyer në shërbim të komunitetit. Qytet më i pastër, qytet më i gjelbër në secilin cep të Tiranës sonë. Mbjelljes të thuajse 1 milion pemëve, jemi shumë afër rekordit më të madh të mbjelljeve të pemëve në Tiranë, të një transformimi të Parkut të Madh apo të shtimit të korsive të biçikletave, sidomos pas pandemisë, ku kuptuam që jeta aktive dhe ecja, apo vrapimi, apo përdorimi i biçikletës na ndihmon që të mbajmë një Tiranë më të shëndetshme,”  shpreh ai.

Gjërat janë më mirë se edhe për ekonominë dhe punësimin tha Veliaj.

“Është rritur ekonomia, është rritur punësimi në qytetin tonë, shpesh edhe përmes aktiviteteve që më përpara nuk i kishim menduar, siç është 4-fishimi i turizmit; zhvillimit të industrisë së ndërtimit, që punëson rreth 100 mijë vetë; industrisë prodhuese, ajo e zhvillimit të bujqësisë. Jemi siguruar që zhvillimi të prekë çdo cep të Tiranës së madhe, duke çuar investime publike me po të njëjtën cilësi, si këtu qendër, ashtu edhe në zonat rurale, duke filluar nga Shëngjergji, deri në Ndroq, edhe nga Krraba deri në Kashar,” u shpreh kreu i Bashkisë.

“Tirana, - theksoi Veliaj, - ka ditur gjithmonë të jetë bujare dhe mikpritëse, e kurrë nuk është ndarë në të ardhur e vendalinj, ndaj ka ditur të jetë shumë solidare për ata që kanë pasur më pak mundësi dhe më shumë nevojë”.

“Prandaj, në traditën më të mirë të Tiranës sonë, ne kemi synuar që ta forcojmë këtë virtyt, përmes ofrimit të banesave sociale, kredive të buta, çekut të bebes, bursave për nxënësit me 10-ta që janë ekselentë dhe një qeverisje në nivel kapilar përmes administratorëve, jo vetëm administratorët e njësive, po deri në nivelin fundor me administratorët e pallateve, risi që nuk ekzistonin më përpara dhe sot janë bërë pjesë e stofit të Tiranës. Sot kemi edhe një Kartë Studenti që ofron edhe abonenë falas, mbulon 50% të kostos së konvikteve, përtej shumë shërbimeve të tjera në rreth 1500 biznese. Këto konvikte që fola, janë transformuar plotësisht, duke ofruar për studentët kushte shumë herë më dinjitoze dhe ato pak që na kanë mbetur, janë sot kantiere për t’u transformuar,” nënvizoi ai.

Tirana është në rrugën e duhur, - tha Veliaj, - por lipset që punët e nisura ne t’i çojmë deri në fund, sepse vetëm një skuadër e bashkuar si “Bashkia, Qytetarët dhe Qeveria jonë”, ky trinom që bën që gjërat të funksionojnë, mund të përmbyllë me sukses projektet që ka nisur qyteti ynë”.

Rendit zhvillimet sipas orarit:
Ora 19:50
Tirana Kryeqyteti Europian i Sportit, Mancini uron shqiptarët për titullin: Bravo dhe suksese

1676227853_fhgfh.JPG

Me rastin e shpalljes së Tiranës si Kryeqyteti Europian i Sportit për vitin 2023, trajneri i Kombëtares italiane, Roberto Mancini ka uruar Tiranën për këtë sukses përmes një video të postuar në Twitter nga kryebashkiaku i Tiranës, Erjon Veliaj. “Përshëndetje Tirana. Eshtë bukur të jesh Kryqyteti Europian i Sportit. Bravo dhe Suksese. Të dua Tirana “,-shprehet Mancini”.

G.MO/Shqiptarja.com

SI.E./LR/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • beni: 12/02/2023 16:00

    kryeqender te korrupsionid dhe droges

    Përgjigju
  • Diellin vodhët: 12/02/2023 15:35

    Edhe diellin e vodhët... Vemje të urryera, ju dhe soji juaj

    Përgjigju
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Policia e Tiranës zbardh vrasjen e Eduart Reçit, i ekzekutuar me një plumb pranë Rrugës së Elbasanit

Policia e Tiranës zbardh vrasjen e Eduart Reçit, i ekzekutuar me një plumb pranë Rrugës së Elbasanit

24 Nëntor, 15:07 nga Sokol Dema