Kryetari i Bashkisë së Tiranës, Erion Veliaj priti në një takim Sekretaren e Shtetit të Republikës së Austrisë për Rininë dhe Gjeneratat, Claudia Plakolm. Duke marrë shkas nga viti ku Tirana është shpallur Kryeqyteti Europian i Rinisë, por edhe për Bashkimin Europian ky është shpallur po ashtu Viti Europian i Rinisë, Veliaj ka kërkuar më shumë projekte të përbashkëta mes të rinjve të dy vendeve.
“Ajo çka biseduam është si të gjejmë një mënyrë që djemtë dhe vajzat e Tiranës dhe gjithë Shqipërisë, me djemtë dhe vajzat e Vjenës, Linzit, Grazit dhe Austrisë, të shfrytëzojnë mundësinë e Vitit Europian të Rinisë për Bashkimin Europian dhe shpalljen e Tiranës Kryeqyteti Europian i Rinisë. Ndonjëherë, duhet një arsye për t’u lidhur, ndaj ne kemi motivin e përkryer me këto dy ngjarje,” u shpreh Veliaj.
Ai përmendi disa prej programeve, por dhe fusha të reja bashkëpunimi ku mund të shkëlqejnë edhe të rinj të talentuar dhe që na kanë krenuar me historitë e tyre të suksesit në Vjenë.
“Biseduam edhe si të gjejmë mundësi, përtej ERASMUS dhe Interreg, për disa programe standarde të Bashkimit Europian, që të shtojmë disa aktivitete të tjera nga organizatat rinore, kompani të ndryshme austriake, apo dhe nisma të djemve e vajzave të Austrisë dhe Shqipërisë në fusha si arsimi profesional, çështjet e emergjencave civile, çështjet e mjedisit, sporti, kultura, muzika, arti. Ne kemi disa talente shqiptaro-austriake, si Eno Peçi e të tjerë, që tashmë janë një histori suksesi, janë krenari për ne dhe mezi pres që ta mbushim këtë kalendar me 1000 aktivitete dhe me një kontribut fantastik nga Austria,” vijoi kryebashkiaku.
Sekretarja e Shtetit të Republikës së Austrisë për Rininë dhe Gjeneratat, Claudia Plakolm, u shpreh e lumtur për sfidat e reja të bashkëpunimit mes dy vendeve, veçanërisht mes të rinjve.
“Mezi po i pres bashkëpunimet tona gjatë Vitit Europian të Rinisë. Është mundësi fantastike që këtë vit e kemi Tiranën Kryeqytet për Rininë në Europë. Mezi po i pres aktivitetet që mund të organizojmë bashkë, dhe mezi po pres gjithashtu që të sjellim më shumë të rinj për shkëmbime midis Shqipërisë dhe Austrisë”, u shpreh Claudia Plakolm.
Kryebashkiaku i Tiranës i dhuroi në fund në shenjë simbolike Sekretares së Shtetit Austriak për Rininë edhe Kullën e Sahatit.
“Tirana mbush 102 vite si kryeqytet i Shqipërisë. Është një kryeqytet i ri, jo si Vjena që ka qenë përherë kryeqytet. Kjo Kullë Sahati është “kilometri 0” i çdo distance në Shqipëri. Tregon orën, por është gjithashtu një kujtesë se koha është dhurata më e çmuar që ne i japim njëri - tjetrit,” e mbylli fjalën e tij Veliaj.
Lajme të tjera
-
Veliaj në Bruksel për 75-vjetorin e Kolegjit të Europës: Vitin tjetër dyfishohet numri i studentëve! Kampusi, histori suksesi për Tiranën
21 Nëntor, 15:21 -
Festivali i Nomadëve Digjitalë, Veliaj: Tirana, qytet kozmopolitan i të gjithëve! Bëhemi gati për titullin ‘Kryeqyteti Europian i Kulturës'
20 Nëntor, 15:46 -
Premtimi i Veliajt, nga 1 janari 2025 pensionistët do të udhëtojnë falas me autobus në Tiranë! Vendimi miratohet me votat e socialistëve në Këshillin Bashkiak
19 Nëntor, 17:54 -
Prezantohet në shqip libri i ish-kryebashkiakut të Bogotas, Veliaj: Ekipi i tij do ndihmojë në zbatimin e sistemit të ri të transportit në Tiranë
19 Nëntor, 14:46 -
Tiranë/ Rikualifikohet zona e Thesarit, Veliaj inspekton punimet: Do ndërtojmë rrjet unazor, kemi përfunduar urbanizimin në 75 lagje!
18 Nëntor, 14:59 -
Sot 80 vjetori i Çlirimit të Tiranës nga pushtuesit nazistë, homazhe te ‘Ushtari i Panjohur’! Veliaj: Të lëmë përçarjet për përparimin e shoqërisë
17 Nëntor, 08:29 -
PD: Ministri i Drejtësisë të japë dorëjeqjen! Hetim pasuror Ulsi Manjës, aplikoi për ndërtimin e një kompleksi vilash në Farkë
16 Nëntor, 13:20 -
Rehabilitohet blloku i banimit në Njësinë 3, Veliaj: Tirana, një kantier investimesh, buxheti 2025, më transformuesi
16 Nëntor, 13:07 -
Tiranë/ Analiza falas në ditën Botërore të Diabetit, nënkryetari i bashkisë Andi Seferi apel qytetarëve: Kontrollohuni dhe jetoni shëndetshëm
14 Nëntor, 14:54 -
Parada e Shqiptarëve më 28 nëntor në Tiranë, Bashkia e Ferizajt i bashkohet festës së madhe të pavarësisë: Emocion, krenari, lavdi e festë e jashtëzakonshme
13 Nëntor, 20:09 -
FOTOT/ Nis puna për rindërtimin e shkollës 9-vjeçare “Edith Durham”, Veliaj: “Do të jetë një super shkollë me 4 kate, gati për vitin e ardhshëm shkollor”
12 Nëntor, 12:00 -
Veliaj i ftuar në Akademinë Politike të PS: Puna dhe reputacioni që lëmë pas, kontribut dhe vlerë për vendin
9 Nëntor, 14:00
