Në një bashkëbisedim me përfaqësues të shoqatave të hotelerisë, kryetari i Bashkisë së Tiranës, Erion Veliaj u shpreh krenar për rritjen që ka pësuar industria e turizmit gjatë viteve të fundit, për të cilën ai tha se “po jeton ditët e saj më të mira”.
Veliaj vuri në dukje se kjo industri, e cila shpeshherë edhe anatemohet pa të drejtë për shkak të hoteleve që janë ngritur në Tiranë, punëson mbi 64 mijë vetë që punojnë në kryeqytet.
“Më kujtohet Tirana e para disa viteve, kur nuk kishte asnjë ‘brand’ hotelesh me 5 yje. Kur mendoj sot Hotel Radisson, Marriott, i cili hapet në fundjavë për një kontingjent konferencash, kur shikoj në horizont emrin Hotel InterContinental, kur dëgjoj për Hotel Melia dhe brandin më të lartë të grupit, që është Grand Melia, apo për Hotel Plaza Maritime, që sot është një brand gjerman, e dyshoj se pa këto hotele do të kishim edhe koncertet e Dua Lipës, Rita Orës, Konstantinos Argiros, që iste këtu para disa javësh, etj. Sepse në një vend ku ti performon, duhet të kesh edhe komoditetin e nevojshëm pritës. Kjo vlen edhe për pritjen e një pafundësi shoqëruesish e delegacionesh, siç ishte rasti i delegacioneve të 27 vendeve të BE, plus Komisioni Evropian dhe 6 vendet e Ballkanit. Pa këto hotele do ta kishim të pamundur t’i prisnim”, tha Veliaj.
Kreu i Bashkisë shpjegoi se vetëm në 5 vitet e fundit, numri i djemve dhe vajzave që janë punësuar nga kjo industri është mbi 64 mijë persona. Sipas tij, ky është një lajm shumë i mirë, teksa shtoi numri i turistëve vitin e kaluar kapi shifrën e rreth 4 milionë e gjysmë vizitorësh.
“Në strukturat hoteliere, të mëdha e të vogla, punojnë mbi 64 mijë vetë. E kam fjalën për hostels, AirBnB, hotele, hotele me 5 yje, qendra konferencas etj. Kjo është një gjë e mirë apo e keqe? Unë them se kjo është gjë e mirë. Imazhi i strukturës është baraz me imazhin e Tiranës dhe të Shqipërisë. Nëse kjo industri sulmohet, anatemohet, paragjykohet, shahet, përgojohet, ky është marketingu më i keq që mund t’i bëjmë vendit tonë. Një turist, i cili vjen në fundjavë në Tiranë, nuk i del koha të shkojë edhe në Shëngjergj. Në fakt, vetëm 1 në 1000 mund t’i dalë koha të shkojë në Shëngjergj, por pjesa më e madhe do e njohë Shqipërinë dhe Tiranën nga hoteli ku qëndron. Kjo do të thotë se imazhi i strukturës hoteliere është i barabartë me imazhin e Tiranës dhe të Shqipërisë. Por ajo që është për të qeshur, por edhe për të qarë, është se ka disa njerëz që i shajnë kullat dhe hotelet, por në të njëjtën kohë, konferencat e tyre të shtypit apo zyrat e tyre i kanë në një kullë apo një hotel si ky që jemi sot”, tha Veliaj.
Antonis Anastasopulo, menaxheri i Përgjithshëm i Hotel Plaza, tha se Tirana është një qytet shumë i këndshëm, që turistët kanë dëshirë ta vizitojnë.
“Ndodhem këtu prej 5 muajsh dhe dua të them se jam i lumtur për qytetin tuaj - është një qytet shumë i këndshëm dhe jam i lumtur për këtë hotel. Më besoni, nuk ka shumë hotele në Greqi me cilësinë që ka Plaza. Ju jeni me shumë fat! Më duhet të them se tre hotelet e tjera të mëdha, që po ndërtohen në Tiranë, do ta rrisin turizmin e Tiranës”, tha ai.
Komente
Lajme të tjera
-
Vrasja e Martinit, nesër Burgjet vendosin ku do transferohet 14 vjeçari i arrestuar
24 Nëntor, 10:58
-
Tiranë/ Organizonin baste dhe lojëra fati, vihen në pranga 6 persona
24 Nëntor, 09:55 -
'Ishin 2 autorë!' Vrasja e Martinit, flet babai i 14-vjeçarit të plagosur: Prindi i fëmijës bën mirë ta dorëzojë vetë! Djali im në intubim, ka 5 plagë në trup
24 Nëntor, 09:20 -
'Economic Times': Shqipëria mes vendeve ideale evropiane për të vizituar në 2025
24 Nëntor, 07:20 -
Rikthehet 'Parada Shqiptare' më 28 Nëntor në Tiranë! 300 grupe artistike nga Diaspora do të mblidhen në kryeqytetin shqiptar
23 Nëntor, 15:48 -
Veliaj inspekton terminalin veri-perëndimor: Investim i ri që lehtëson trafikun dhe modernizon transportin
23 Nëntor, 11:51 -
Vrasja e Martinit/ Shoqëria civile deklaratë para shkollës 'Fan Noli': Bojkot mësimit nëse nuk merren masa, të dorëhiqet Manastilriu
23 Nëntor, 10:42 -
Gjendet thika me të cilën u vra Martini, autori e hodhi në tarracën e një godine pranë Gjykatës së Apelit, e pikasi një banor! Mister kush e çoi në spital (VIDEO)
23 Nëntor, 10:09
-
Policia i ‘kap mat’ në tavolinën e pokerit, 29 të arrestuar në Tiranë! 1 në kërkim, sekuestrohen para (EMRAT)
23 Nëntor, 09:43 -
Vrau në Krujë vëllezërit Bardhi pasi i plagosën vëllanë, Gjykata e Tiranës dënon me burgim të përjetshëm Roland Pulën
22 Nëntor, 21:19 -
Tiranë/ Policia po zhvillon operacion kundër lojërave të fatit, kapen disa persona
22 Nëntor, 21:19 -
Vrasja e Martinit/ Gjendet pranë Gjykatës së Apelit thika, me të cilën u kry krimi! Bashkë me të edhe çanta e shkollës e 14 vjeçarit të arrestuar si autor
22 Nëntor, 21:09
Rregullo Mozaikun e lagjen rreth e rrotull,që Turistët të kenë ç'shohin më shumë!..liro trotuare e hapësirat e zëna publike...,edhe në rr Fr.Plaku...!..mbill pemë e bëj një Park aty te Diga poshtë Liqenit (ullinj ,Agrume vreshta rrushi etj)
PërgjigjuDesheroj te jete shifer e vertete 4,5 milion’shi,por duket she egzagjeruar ! Dy menyra per t’iu afruar shifres reale,te dhenat e sistemit TIMS dhe Drejtoria e Pergjitheshme e Tatimeve,se cfare ka “kolektuar” nga hotelet dhe subjektet e rregjistruara per akomodime! Perndryshe Ku gjendet Kjo shifer ?! Tironci
Përgjigju