Ka nisur me 1 minutë heshtje mbledhja e Këshillit Bashkiak Tiranë për 46 viktimat e aksidentit në Bullgari.
Kryebashkiaku Veliaj teksa listoi disa nga punët e kryera përgjatë këtij viti tha se kompanitë e transportit publik do të subvencionohen për shkak të vështirësive që ka shkaktuar pandemia, por tha se nuk do të tolerohet asnjë shkelje e operatorëve.
“Efekti në buxhet është 1 milionë dollarë, pasi kur kanë të drejtë kanë të drejtë. Porsa kohë është rritur çmimi i naftës, ka rënë numri i udhëtarëve të pandemisë, dhe porsa kohë një pjesë nuk punuan fare ato kanë të drejtë prandaj duhet të japim subvencion. Por nuk do të thotë që do të falim aty ku në fakt është problematika e sektorit”, tha Veliaj.
Veliaj u ndal edhe tek rindërtimi, ku tha se janë dorëzuar 381 banesa për qytetarët.
“Ne kemi ndërtuar 510 banesa, 381 kanë përfunduar dhe janë dhënë çelësat në dorë dhe pjesa tjetër janë në fazën e fundit dhe një pjesë e madhe do të futen në shtëpi për vitin e ri”, tha Kryetari i Bashkisë.
Një tjetër vendim që tashmë ka hyrë në fuqi ishte edhe falja e gjobave për familjet që kanë ndërtuar pa marrë pas dëmtimeve që ju shkaktoi tërmeti.
“Ne kemi falur të gjitha 988 gjoba që kanë qenë masat administrative për ndërtimet pas tërmetit. Nuk e tolerojmë ndërtimin pa leje por e tolerojmë në rast se është për emergjencë”, tha Veliaj.
Kryetari i Bashkisë po ashtu informoi se është rishikuar buxheti i këtij viti për të financuar projektin e kopshtit zoologjik, për avancimin e rijetësimit të piramidës, për financimin e projektit të tregut agroushqimor të Farkës dhe për projektin e kampusit të ri të Universitetit të Tiranës.
Veliaj në Këshill Bashkiak renditi edhe 14 shkollat që u hapën brenda një viti.
“S’mund të lë pa përmendur një nga investimet më madhore në Tiranë, “Agron Hysenlliu” në Pezë të Vogël, shkolla “Feti Fanaj”në Mangull, “Lagush Poradeci” në Kombinat, “Qazim Turdiu” në Njësinë 9, “Vaçe Zela” në Don Bosko, “Kristo Frashëri” në Don Bosko, “Myrvete Peza” në Pezë Helmës, “Hasan Vogli” në Njësinë 9, “Murat Toptani” në Selitë, Kopshti “Bletëza Maja” në Fikas, Kopshti “Sunny Hill” me qeverinë e Katarit dhe fondacionin e Dua Lipës në Bllok, në njësinë 5, shkolla ‘’John Kennedy’’ dhe ‘’Nënë Tereza’’ gjithashtu, që do hapen në Janar në semestrin e dytë për efekt të mos transferimit të nxënësve. Ndërkohë që ka filluar shkolla e re në Qesarakë, që përfaqëson komunitetin e Dajtit dhe të Freskut. Është në ndërtim shkolla ‘’Bashkim Fino’’ dhe ‘’Andrea Stefani’’, njëra është në njësinë 2 tek Oxhaku, shkolla tjetër është tek rrethrrotullimi i ‘Shqiponjës’. Kemi përuruar 14 shkolla në një vit. Po kaq do të kemi edhe vitin tjetër, të cilat janë në proces”, tha Veliaj.
Kryebashkiaku bëri thirrje edhe për të gjithë qytetarët që të kryejnë vaksinimin, që të shmangen kufizimet. Veliaj tha se për festat e nëntorit, natën e bardhë dhe festat e fundvitit do të ketë aktivitete argëtuese dhe për të këtë arsye duhet të jemi të vaksinuar. Veliaj pohoi se po diskuton me Ministrinë e Shëndetësisë që të ketë qendra vaksinimi portativ pranë zonës ku do të zhvillohen aktivitetet festive në fundvit.
Këshilli Bashkiak miratori 14 vendime.
1. Projektvendim “Për sistemimin e F.R në banesat sociale me qira, Shkozë”.
2. Projektvendim “Për miratimin e dhënies në përdorim pa kundërshpërblim të ambientit të ndërmarrjes ofiçina e automjeteve të transportit ndaj organizatës “Nisma për ndryshim shoqëror Arsis””.
3. Projektvendim “Për emërtimin e disa rrugëve në territorin e Bashkisë Tiranë”.
4. Projektvendim “Për ndryshimin e një anëtari në Këshillin Artistiko-Kulturor, të miratuar me vendimin e Këshillit Bashkiak nr. 64, datë 12.06.2020”.
5. Projektvendim “Për emërtimin e një rruge në territorin e Bashkisë Tiranë” (Anton Lufi).
6. Projektvendim “Për prishjen e detyruar të ndërtesës private, pallati nr.7 (136), rruga “Fabrika e qelqit”, Njësia Administrative nr. 6, si rezultat i dëmtimit nga tërmeti i datës 26 nëntor 2019”.
7. Projektvendim “Për prishjen e detyruar të ndërtesës private, pallati nr. 8, rruga “Zall”, Njësia Administrative Krrabë, si rezultat i dëmtimit nga tërmeti i datës 26 nëntor 2019”.
8. Projektvendim “Për prishjen e detyruar të ndërtesës private, pallati nr. 29, rruga “Haki Stërmilli”, Njësia Administrative Nr. 6, si rezultat i dëmtimit nga tërmeti i datës 26 Nëntor 2019”.
9. Projektvendim “Për prishjen e detyruar të ndërtesës private, pallati nr. 83/1, rruga “Myslym Keta”, Njësia Administrative Nr. 4, si rezultat i dëmtimit nga tërmeti i datës 26 Nëntor 2019”.
10. Projektvendim “Për prishjen e detyruar të ndërtesës private, pallati nr. 97, rruga “Llazi Miho”, Njësia Administrative Nr. 6, si rezultat i dëmtimit nga tërmeti i datës 26 Nëntor 2019”.
11. Projektvendim “Për prishjen e detyruar të ndërtesës private, pallati nr. 12, rruga “Zall”, Njësia Administrative Krrabë, si rezultat i dëmtimit nga tërmeti i datës 26 Nëntor 2019”.
12. Projektvendim “Për prishjen e detyruar të ndërtesës private, pallati nr. 21 rruga “Petraq Leka”, Njësia Administrative Nr. 6, si rezultat i dëmtimit nga tërmeti i datës 26 Nëntor 2019”.
13. Projektvendim “Për prishjen e detyruar të ndërtesës private, pallati nr. 1, rruga “Shaban Hysa”, Njësia Administrative Nr. 6, si rezultat i dëmtimit nga tërmeti i datës 26 Nëntor 2019”.
14. Projektvendim “Për prishjen e detyruar të ndërtesës private, pallati nr. 6, rruga “Vangjel Capo”, Njësia Administrative Nr. 4, si rezultat i dëmtimit nga tërmeti i datës 26 Nëntor 2019”.
Lajme të tjera
-
Veliaj inspekton terminalin veri-perëndimor: Investim i ri që lehtëson trafikun dhe modernizon transportin
23 Nëntor, 11:51 -
Vrasja e Martinit/ Shoqëria civile deklaratë para shkollës 'Fan Noli': Bojkot mësimit nëse nuk merren masa, të dorëhiqet Manastilriu
23 Nëntor, 10:42 -
Gjendet thika me të cilën u vra Martini, autori e hodhi në tarracën e një godine pranë Gjykatës së Apelit, e pikasi një banor! Mister kush e çoi në spital (VIDEO)
23 Nëntor, 10:09
-
Policia i ‘kap mat’ në tavolinën e pokerit, 29 të arrestuar në Tiranë! 1 në kërkim, sekuestrohen para (EMRAT)
23 Nëntor, 09:43 -
Vrau në Krujë vëllezërit Bardhi pasi i plagosën vëllanë, Gjykata e Tiranës dënon me burgim të përjetshëm Roland Pulën
22 Nëntor, 21:19 -
Tiranë/ Policia po zhvillon operacion kundër lojërave të fatit, kapen disa persona
22 Nëntor, 21:19 -
Vrasja e Martinit/ Gjendet pranë Gjykatës së Apelit thika, me të cilën u kry krimi! Bashkë me të edhe çanta e shkollës e 14 vjeçarit të arrestuar si autor
22 Nëntor, 21:09 -
Vrasja e Martinit, zbardhet audioja tronditëse në mbledhjen e prindër te 'Fan Noli': Autori nxori thikën në klasë, mbani përgjegjësi
22 Nëntor, 20:30 -
Gruas i duhet të pastrojë vetë pusetën për të shpëtuar nga përmbytja! Shikoni videon tek 'Myslym Shyri' në Tiranë (VIDEO)
22 Nëntor, 18:23 -
Tiranë/ Plagosja e 20-vjeçarit në 'Qytetin Studenti', arrestohet 19-vjeçari nga Kamza! Nën hetim edhe personi që i shiti thikën
22 Nëntor, 15:46 -
Vrasja e Klaudio Prendit/ Ishte në kafe me 3 policë, njëri ndoqi mjetin e autorëve pas ekzekutimit! Vrasësit me 'Audi A4' vëzhguan zonën para krimit
22 Nëntor, 10:47 -
Vrasja e Martinit, 'arrest me burg' 14 vjeçarit, gjyqi mbahet në spital! I mituri s'tregon ku fshehu thikën: S'mbaj mend çfarë ndodhi! Hetohet kush e ndihmoi
22 Nëntor, 09:36
