Vendimi i Kushtetueses për Veliajn, Berisha: U rrëzua haram Begaj e Rama! Pranon dështimin: PD nuk është në gjendje të mirë

Përfundoi pas 3 orësh mbledhja e sotme e Kryesisë së Partisë Demokratike, e thirrur nga Sali Berisha pasi Partia Socialiste nuk pranoi në Parlament ngritjen e 2 komisioneve hetimore, atë për zgjedhjet e 11 majit dhe atë për çështjen McGonigal.

Mbledhja u zhvillua me dyer të mbyllura, por edhe pas përfundimit, Berisha u tregua hermetik për mediat, duke mos dhënë informacione mbi vendimet e marra nga Kryesia e Partisë Demokratike.

I pyetur mbi vendimin e Gjykatës Kushtetuese në favor të Erion Veliajt, duke e lënë në krye të Bashkisë Tiranë, Berisha e quajti një goditje ndaj kryeministrit Edi Rama dhe presidentit Bajram Begaj.

“Këtë e komentoj si një vendim të gjyqtarëve që në këtë rast zbatuan ligjin, por e komentoj gjithashtu si një dhuratë që Edi Rama, që nuk njeh asnjë lloj ligji e morali, ia bëri padashje kundërshtarit të tij kryesor brenda në parti, Erion Velisë. E trajtoi në atë mënyrë, siç e tha ai vetë, si “serial killer” bën burg. E trajtoi deri aty sa duhej t’i dilja unë zot për të drejtat e njeriut. E trajtoi në atë mënyrë që shkel Konventën Europiane të të Drejtave të Njeriut, Kushtetutën dhe çdo lloj standardi të një qëndrimi ndaj të burgosurve. Dhe me këtë ai i dha Erion Velisë avantazhin de facto. Bajram Begaj dhe Rama janë të palosur të dy me këtë vendim”,- tha Berisha.

Kryetari i PD-së, Sali Berisha pranon se gjendja e Partisë Demokratike nuk është ajo që duhet të ishte. Ai vijon të thotë se duhen marrë përsipër përgjegjësitë dhe se duhet për t’i motivuar mbështetësit apo qytetarët, duhet të bëhej me dije hapja e partisë ndaj figurave të reja.

Berisha iu kërkoi të gjithë anëtarëve të PD-së, të krijojnë sa më shumë hapësira për ardhjen e të rinjve në parti dhe të vihen në kërkim të vlerave.

“Gjendja e PD nuk është ajo që do donim të ishte. Duke mirëkuptuar ata që kultura elektorale nuk i bën të dallojnë farsën nga zgjedhjet, detyra jonë është të ulemi në një dialog të hapur me ta, dhe të marrim çdo përgjegjësi qe na takon. Nuk shkohet tek simpatizantët as për ti fajësuar, mos dëgjuar apo shpërfillur. Jo, përgjegjësia merret. Tek anëtarët simpatizantët shkohet duke ngjallur shpresën, shpresa vetëm duke thënë të vërtetën.

Kryesore është censura e tmerrshme. Nuk kemi të qartë sesa shkatërrimtare është ajo. Zemërimi i tyre është legjitim, vonesa jonë është problemi. Ne ishim në interes të tyren. Çështja e hapjes së PD.

Në qoftë se ne nuk hapemi, nuk faktojmë para anëtarë dhe mbështetësve vullnetin e hekurt për të hapur, për një imazh të ri, për ripërtëritje të fortë, ne nuk mund të motivojmë njeri. Secili nga ju të kërkojë të gjejë njerëz me vlera. Unë përpiqem, sado të përpiqem nuk e realizoj dot. Duhet secili deputet e anëtar, të afrojë vlera”, tha Berisha.

Kreu i PD-së Sali Berisha, në një komunikim për mediat, komentoi dhe projektligjin e propozuar nga mazhoranca mbi barazinë gjinore në vend.

Sipas Berishës, pas ligjit fshihet biznesmeni George Soros, i cili po përpiqet që të zhdukë familjen tradicionale dhe të krijojë më shumë sesa 2 gjini.

“Soros me të vetët, përpjekjet titanike për të krijuar gjini të 3 apo të 4. Ligji në parlament, është faktikisht ligji i shuarjes së familjes.

Gjinia thotë Rama, nënkupton rolet e ndërtuara në kontekstin social, sjelljet, aktivitetet dhe atributet që një shoqëri e përcaktuar i konsideron të përshtatshme për gratë dhe burrat. E hoqi dhuntinë e zotit, e hoqi përcaktimin natyror, por tani e sjell vërtit çfarë u duket e përshtatshme. Nuk ka. Kjo përpjekje për të shuar konceptin e familjes shqiptare dhe në botë, prindi e fëmija, do të thotë se vendin e Marksit të dikurshëm e ka George Soros. Unë i them që nuk udhët ta vlerësojmë se Soros ka mbështetës të fuqishëm. Shqiptarë dhe joshqiptarë që ditën dhe natën punojnë kundër opozitën shqiptare.

Na shpallin ne si opozitë joperëndimore sepse mbrojmë këto vlera të shenjta”, tha Berisha.

Sali Berisha ka komentuar hetimet e nisura nga SPAK ku e pandehur është marrë ministrja e Infrastrukturës dhe Energjisë si dhe zv,kryeministrja Belinda Balluku së bahsku m 5 vartës të saj.

Berisha thotë se pas këtij vendimi, Balluku ka kërcënuar prokurorin e çështjes.

“Të njëjtën ditë, personi që po të merrje qindra mijëra fjalë të fjalorit tonë, nuk meritonte fjalë tjetër më shumë sesa Lubi. E papërmbajtur, njeriu që pas Ramës ka vjedhur më shumë nga Shqipëria që nga themelimi i shtetit. Lubi Balluku u paraqitur në SKAP, për të dëgjuar akuzën. Akuza ishte pabarazi në tendera.

Në formulimin e kësaj akuze, prokurori i çështjes u kërcënua në mënyrë kriminale nga anturazhi i Lubisë dhe nga vetë ajo që i thotë prokurorit mos më shih me rroba gruaje se i heq këto dhe vesh të burrave. E keni parë ju Belindën me kobure? Kërcënohet nga Rama, cili je ti thotë që guxon t’i prekësh pasaportën zv.ministres së Shqipërisë.

Të vërtetën e nxori njeriu më i afërt i Ramës, në disa aspekte dhe shefi i tij, Baton Haxhia. Po tha, 50 milionë avulluan, por ishte avullim gjeopolitik. U përpoqën të implikonin presidentin e Turqisë. Nuk thotë popullit kot, po nejte me qentë, pleshta do të kesh.

Zhvillimet brenda tyre janë shkërrmoqëse, dhe u bënë më dramatike kur Rama mori vesh se Lubia në mesazhet e saj u thoshte vartësve se këto dhe ato janë për palloshin e gjatë. Kjo është e vërteta absolute. Janë në sms dhe ën e-mail. Kur del në dokumente, se kompania ka paguar udhëtime dhe qëndrime të Ramës, Ervis Berberit, Lubi Ballikut në nje resort në Athinë”, tha Berisha.