Lagjja e re në Pezë, projekti i fundit i madh i rindërtimit në Tiranë, ku do të strehohen 30 familje, të cilat mbetën të pastreha pas tërmetit, po merr formë dita-ditës dhe brenda pak muajsh shtëpitë e reja do të jenë gati.
Kryetari i Bashkisë së Tiranës, Erion Veliaj, së bashku me deputetin e PS, Toni Gogu dhe përfaqësuesin e fondacionit “Firdeus” - “Shqiptarët për Shqiptarët”, Ilir Hoxholli, si donatorë në rindërtimin e lagjes së re, inspektoi punimet që po kryhen në Pezë, ku u shpreh se kjo është një mundësi e re që u jepet 30 familjeve që do të përfitojnë nga Programi i Rindërtimit.
“Janë vërtet 30 mundësi, jo vetëm 30 shtëpi, shpresë për çuna dhe goca që deri dje ishin të ‘dënuar’ të rrinin te shtëpia e gjyshërve të tyre, pas dy krerëve bagëti dhe dy rrënjëve ullinj. Sot, në fakt, do të zbresin - me shpresë për punë muajsh - në një zonë të urbanizuar, e cila ka akses në të gjitha shërbimet e tjera, ku mund të fillojnë një jetë të re. Nuk ka asnjë arsye pse një fëmijë i vogël të dënohet vetëm për faktin se gjyshin e ka pasur në një zonë malore. Dikur mund të ketë qenë oportune, sepse kanë kaluar të gjithë karvanët e tregtisë dhe rrugëve rurale të asaj kohe. Por, me urbanizimin e sotëm, ku rrugët janë zhvendosur nëpër lugina, pranë qendrave të banuara, nuk ka më asnjë arsye pse një fëmijë të destinohet të kalojë gjithë jetën në një zonë të humbur, ku jo vetëm humb shpresa, por humbin gjithë këto mundësi për të ecur përpara,” tha Veliaj.
Kryebashkiaku tha se, ashtu si Vaqarri, Ndroqi, Zall Herri e Thumana, edhe kjo lagje e re do të kthehet në një zonë urbane falë bashkëpunimit me fondacionin “Firdeus”, të cilët kontribuan në ndërtimin e shtëpive, kurse Bashkia e Tiranës po ndërton infrastrukturën përreth.
“Jam shumë krenar për fondacionin “Firdeus” - “Shqiptarët për Shqiptarët”, për Ilirin, Visin, Sidritin, të cilët kanë bërë një punë të jashtëzakonshme. Jo vetëm ata, por të gjithë shqiptarët që kanë dhuruar. Mbaruan 150 shtëpi në Thumanë, mbaruam Vaqarrin, mbaruam Ndroqin, mbaruam Baldushkun, mbaruam Zall-Herrin, dhe na kishte mbetur vetëm Peza, e cila tani po kthehet në një zonë urbane. Më vjen mirë që kemi ndarë detyrat. 30 shtëpitë bëhen nga fondacioni, ndërkohë infrastruktura rrugore, kanalizimet, ndriçimi, bëhen nga bashkia. Duke i dhënë jetë këtyre komuniteteve i japim mesazhin secilit se askush nuk është në periferi, askush nuk është i parëndësishëm dhe askush nuk është jashtë vëmendjes,” deklaroi ai.
Jo vetëm shtëpitë e infrastruktura, por dhe terrenet sportive e hapësirat e tjera rekrative, shpjegoi Veliaj, do ta shndërrojnë Pezën në një park të madh të aventurës.
“Mezi pres që Pezën ta kthejmë vërtet në një park të aventurës. Me vitin e sportit na jepen mundësi të jashtëzakonshme për hipizëm, për lojëra popullore, për lëvizjen skautiste, dhe për shumë aktivitete që ne zhvillojmë këtu. Me terrenet sportive që kemi në katër shkollat e reja - kemi bërë ndoshta investimim më të madh në Pezë me 4 shkolla - apo me terrene të tilla sportive, ne mund t’i gjallërojmë, të sjellim jetë dhe të sigurohemi që edhe fëmijët, ashtu siç po ndodh në Tiranë në qytet, të kthehen në Tiranë në fshat. Fëmijët që kërrusen në iPhone dhe iPad duhet t’i çojmë në fushat sportive, të luftojmë obezitetin, të kenë jetë të shëndetshme dhe të ndërtojmë dhe karakterin,” theksoi ai.
Edhe Ilir Hoxholi përgëzoi punën e kryer deri tani dhe është optimist për të ardhmen dhe cilësinë e jetesës në atë zonë.
“Falenderoj Zotin dhe të gjithë shqiptarët që treguan një shembull të mirë, ku edhe bashkia mori përsipër infrastrukturën. Një donator i vetëm ndoshta s’ka mundësi të ndërtojë një shtëpi, por të gjithë bashkë arritëm të akomodojmë këto familje, të cilave më parë u është dashur dy-tre të zbresin aty ku janë shërbimet. Këtyre familjeve u jepet edhe një shtëpi e mirë, u jepet edhe një mundësi e mirë për të shkolluar fëmijët dhe për të ecur përpara,” u shpreh Ilir Hoxholli i Fondacionit “Firdeus”.
Komente
Lajme të tjera
-
Vetëvrasja e Mehmet Shehut para 43 vjetësh, dëshmia e ish-punonjëses së vilës: Kërkoi një kafe dhe një gotë ujë! Ngjarjen e mora vesh kur…
25 Dhjetor, 20:56
-
Një nga ne/ 'Ndenja 16 vite vetëm', prek i moshuari: Ndjeva një boshllëk, më mirë në azil me shokë
25 Dhjetor, 20:04
-
E rëndë në Kamëz, 55-vjeçari bie teksa punonte në pallatin në ndërtim, përfundon në spital! Hetime për shkaqet dhe kushtet e sigurisë
25 Dhjetor, 16:00 -
Festat sjellin trafik të rënduar në Tiranë, eksperti: Semaforët e shumtë bllokojnë qarkullimin, duhen mbikalime! Shoferët nuk zbatojnë rregullat
25 Dhjetor, 14:55 -
Stadiumi i ri 'Selman Stërmasi', në janar pritet prezantimi i projektit! Korporata Investimeve Shqiptare: Transformim për Tiranën
25 Dhjetor, 12:11 -
Në kërkim pas shpalljes non grata, Artan Grubi dyshohet se fshihet në Shqipëri! Dëshmia e biznesmenit: E dërgova me makinë deri në Tiranë
25 Dhjetor, 10:17 -
Sondazhi i Report Tv/ PS fiton Tiranën me 18 mandate, PD 11! 8 deputetë nga partitë e reja! Në Durrës socialistët fitore të thellë, marrin dhe Dibrën e Lezhën! Garë e fortë në Shkodër
25 Dhjetor, 07:51 -
Jakin Marena: Kujt i duhej ‘sakrifica’ e Gjekmarkajt në prag të Natës së Krishtit?!
24 Dhjetor, 21:06
-
Magjia e Krishtlindjeve, qindra qytetarë shijojnë koncertin festiv në sheshin 'Skënderbej'! Veliaj: Kemi transformuar Tiranën
24 Dhjetor, 19:35 -
Vigjilja e Krishtlindjeve sjell trafik të rënduar në Tiranë e Vlorë, dyndje mjetesh në hyrje dhe dalje të kryeqytetit (VIDEO)
24 Dhjetor, 18:01 -
Protesta/ PD kallëzon në SPAK dhe te Prokuroria e Tiranës ministrin Hoxha, kryepolicin Proda dhe zinxhirin komandues: Ushtruan dhunë! (DOKUMENTI)
24 Dhjetor, 16:59 -
Trafiku i rënduar, Report Tv sjell pamjet me dron, dyndje mjetesh në rrugët kryesore të Tiranës
24 Dhjetor, 16:19
Njeri i shemtuar dhe negativ.
Përgjigju