Drejtuesi politik i PS-së për Qarkun e Tiranës, Erion Veliaj, nga Lekaj i Rrogozhinës, i bën thirrje qytetarëve të bashkohen socialistëve. Sipas tij, asnjë demokrat i ndershëm nuk identifikohet më me Partinë Demokratike, ndaj e kanë të hapur derën në familjen socialiste.
“Nëse ka demokratë të ndershëm që thonë: ‘Unë nuk identifikohem dot më me Saliun, që vret njerëz, dhe thotë si nuk vrava më shumë, si nuk i futa një snajper Edi Ramës!’ Mua nuk më lidh gjë me kriminelët, nuk më lidh gjë me ata që i kanë bërë të zeza vendit’, - atëherë bujrum, të gjithë demokratët e ndershëm janë të mirëpritur në PS”, u shpreh Veliaj.
Sipas tij, Partia Socialiste ka rekordin më të mirë të punëve në krye të vendit. Ai shtoi se PS është absolutisht forcë e parë dhe këtë e tregojnë të gjitha sondazhet, por në 25 Prill lipset një rezultat më i mirë se ai i 2017-ës.
“Vërtet jemi forcë e parë, por duhet të dalim mbi 50%, që edhe sikur të gjithë çakejtë dhe hienat e politikës të bëhen bashkë kundër nesh, prapë të jemi të parët. Kjo kërkon bashkimin e të gjithë socialistëve! Por, për këtë na duhen edhe të tjerët, disa shokë tanë që shkuan në drejtime të tjera, të cilët tani duhet t’i rikthejmë në shtëpi”, tha më tej Veliaj.
Ai nënvizoi se PD-ja nuk di ku ndodhet sepse sot është e ndarë në 5 copa, ngaqë e kanë kuptuar se nuk ka të ardhme me Sali Berishën.
"Qaheshin nga Enver Hoxha! Saliu, 77 vjeç, kërkon të rikthehet për herë të tretë. Fakti që demokratët janë ndarë në 5 copa, madje ka edhe nga ata që duan të votojnë Partinë Socialiste, është një lajm i mirë, sepse ne nuk kemi betejë më tanët. Çfarë janë demokratët e tjerë? Nuk janë Saliu dhe Luli. Demokratët e thjeshtë nuk u bënë me 5 vila në kohën e pandemisë, nuk shtuan pasuri në kohën e tërmetit. Demokratët e thjeshtë i ka kapur tërmeti si ne, i ka kapur halli si ne, i ka zënë covid-i si ne, por ama vetëm një parti e zgjidh këtë punë: Edhe rindërtimin e bën PS-ja, edhe vaksinën e sjell PS-ja, edhe ekonominë e ngre në këmbë PS-ja, sa herë që e gjen të rrënuar,” tha Veliaj.
Erion Veliaj u ka drejtuar një thirrje qytetarëve, duke u kërkuar të mos u besojnë partive që duan të riciklojnë njerëz që pasi u provuan në krye të vendit, vranë e dogjën, sot i shesin si ndryshim. Sipas tij, kultura e tyre është “përça e sundo”, prandaj edhe ditët e fundit kanë nisur lumin e baltës dhe shpifjeve.
“Këto ditë do dëgjoni plot çudira. Do fillojë lumi i baltës dhe i shpifjeve. E dini pse s’duhet të habitemi? Sepse këtyre kjo u ka mbetur, një stil kanë: përça dhe sundo. Për dy dekada, Saliu dhe Meta i përçanë shqiptarët. Ju kujtohet ’97? Ju kujtohet ’98? Ju kujtohen sulmet me bazuka e tanke kundër kryeministrisë? Tamam “përça dhe sundo”? Ndaj jugun me veriun, ndaj të krishterë dhe myslimanë, ndaj fshatin dhe qytetin dhe u eci, por tani mjaft më! Njerëzit e kanë kuptuar. Ata e patën shansin ta bënin Tiranën, të ndërtonin një shkollë. E çfarë bënë? Vranë njerëz me plumba në mish. Ende s’ka kërkuar njeri falje. Për pak vjen përvjetori i Gërdecit. Ministrat e Gërdecit na i sjellin si kandidatë dhe thonë, “ne jemi ndryshimi””, u shpreh Veliaj.
Ai tha se ata që sot thonë jemi ndryshimi, janë riciklimi i mbetjeve, karikaturave, vjetërsirave dhe një pjesw të madhe të kriminalizuar të politikës.
“Kush është ndryshim nga këta? Saliu? Ai ka kaluar moshën e Enverit, tani kërkon të vijë për herë të tretë, t’u hipë kalaqafë shqiptarëve. Po Luli? I provoi të gjitha postet e qeverisë, edhe Bashkinë e Tiranës, bëri një vrimë në ujë. Shtoi 5 vila në kohë të pandemisë, kur njerëzit janë pa shtëpi. Fatmir Mediu në Gërdec? Erdhi përvjetori i Gërdecit. Ky është ndryshimi? Imagjinoni të ishte Nard Ndoka dhe Petrit Vasili ministër Shëndetësie në kohë të pandemisë. Këta janë riciklimi i të gjitha mbetjeve, karikaturave, vjetërsirave dhe një pjese të madhe të kriminalizuar të politikës. Në Tiranë si kandidaturë do sjellin prokurorin që s’merrte dot vizë amerikane dhe që vetting-u e nxori jashtë. Do sjellin ndërtuesin që kishte ndërtuar brenda në ujë në Vlorë - këta janë kandidatët e Ilir Metës dhe Monikës,” deklaroi drejtuesi politik i PS në Tiranë.
Veliaj tha se PS nuk është perfekte, por është e vetmja forcë që punon për ringritjen dhe shërben me pasion për qytetarët.
Lajme të tjera
-
Berisha: Komision Hetimor për Portin e Durrësit dhe interpelancë! Falje e gjobave dhe kamatë-vonesave për energjinë! Akuza dhe Dumanit
18 Dhjetor, 13:40 -
Basha: T’i japim fund tangos personale, kush voton Berishën merr dhe Ramën në paketë dhe anasjelltas! Jo interesave të Trekëndëshit të Bermudës
18 Dhjetor, 12:53 -
Berisha: Drejtësia nën ndikim politik, kush flet kundër Ramës shkon në burg si Salianji e Meta! Paraburgimet janë plotë
18 Dhjetor, 12:30 -
'Të gjithë le ta marrin një diplomë', Berisha kërkon t'i kthejë Universitetet 'han pa porta'
18 Dhjetor, 11:06 -
PD: Të zgjerohet falja e gjobave, paratë mbrapsht kujt pagoi! Fshini detyrimet për ujë e drita dhe gjobat e policisë
18 Dhjetor, 10:51 -
Dorian Teliti sulmon kryebashkiakun e PD, Fisnik Qosja: Kavaja, një qytet i vdekur
18 Dhjetor, 10:02 -
Sali Berisha: Do heqim mesataren për pranimin në universitete! Studentët do marrin 200 euro çdo muaj
17 Dhjetor, 22:51 -
SHBA edhe një herë 'Jo' Berishës/ Valteri: I vdekur, i pakallur! Tafani: Mesazhi i qartë, 'Mos shkoni tek PD-ja'! Kulluri: Amerikanët kanë problem këtu korrupsionin dhe krimin
17 Dhjetor, 21:41 -
'Nuk ka më protesta klasike', Korreshi në Frontline: Berisha po vijon betejën për non-gratën! Nuk ka marrëveshje me PS-në
17 Dhjetor, 20:12 -
Spahiu: Mesazhi i SHBA shuplakë për socialistët, sepse janë të tronditur nga bashkëpunimi tyre me Berishën
17 Dhjetor, 20:04 -
Ironia e Spahiut: Trump do i heq dekoratën Dumanit dhe Dvoranit, për t’ja dhënë të dyja Berishës
17 Dhjetor, 19:43 -
Sulmet e Berishës ndaj Dumanit, Idajet Beqiri: Është në pozitë të vështirë! Saliu mund të prish provat pas lirimit nga 'arresti shtëpiak'
17 Dhjetor, 19:26
