Veliaj pritet nga homologu Shpend Ahmeti në Kosovë: Prishtina qytet modern, do bashkëpunojmë me ekipin e ri pas zgjedhjeve vendore

KOSOVË- Pas takimit me kryeministrin Albin Kurti, gjatë vizitës në Kosovë, kryebashkiaku Erion Veliaj është pritur nga homologu i tij në Prishtinë, Shpend Ahmeti.

Teksa Koosva pritet të mbajë zgjedhjet vendore në shtator, Veliaj shkruan se mezi pret që ta vijojnë bashkëpunimin, Tiranë-Prishtinë edhe me ekipin e ri që do të zgjidhet. Sakaq, kryebashkiaku Veliaj ka vlerësuar punën e bërë nga Ahmendi në drejtimin e qytetit të Prishtinës.

“Faleminderit për mikpritjen dhe miqësinë speciale Shpend Ahmeti gjatë këtyre dy mandateve në drejtimin e Prishtinës, sot një qytet modern e dinamik falë punës së Shpendit e skuadrës së tij. Mezi pres ta çojmë më tej bashkëpunimin me ekipin e ri pas zgjedhjeve vendore në Kosovë”, shkruan Veliaj.

LEXO EDHE:
Ambasadori i Rusisë në Tiranë largohet nga Shqipëria, ja kush e zëvendëson

Erion Veliaj është në një vizitë zyrtare në Prishtinë. Ditën e djeshme ai është takuar edhe me kryeministrin Albin Kurti ku kanë diskutua për ngjarjet kulturore që do të mbahen në kryeqytetet e të dy shteteve vitin e ardhshëm, ku Prishtina do të jetë pritëse e biennales “Manifesta”, ndërsa Tirana “Kryeqyteti Europian i Rinisë 2022”.

SI.E./Shqiptarja.com

TAG:
• Tirane
• erion veliaj
• prishtine
• shpend ahmeti