Veliaj: PS familja më patriotike në Shqipëri, nuk i tha kurrë UÇK-së terroriste dhe as votoi raportin e Dick Martit, si PD dhe LSI (VIDEO)

Kryebashkiaku Erion Veliaj ftoi simpatizantët e PD dhe të LSI që të bashkohen me familjen socialiste, jo vetëm për kantieret e punës të hapura kudo, por dhe për vendimet e drejta të marra për vendin. Nga Njësia 13, Veliaj theksoi se PS është forca më patriotike në vend, ndërsa theksoi se ajo asnjëherë nuk e cilësoi UÇK-në terroriste dhe as nuk votoi raportin e Dick Martit kundër Kosovës, sikurse bëri PD dhe LSI.

“Kjo forcë politike nuk i tha kurrë UÇK-së terroriste, siç e tha dikush tjetër.

Kjo forcë politike nuk e votoi kurrë raportin e Dick Martit, siç e votuan ata të tjerët. Kjo forcë politike nuk shpifi, dhe nuk gatoi kurrë dosje për shtëpinë e verdhë, për trafik organesh, siç bëri pala tjetër. Kjo forcë politike nuk e shiti kurrë detin e Shqipërisë, përkundrazi e fitoi betejën në Gjykatë Kushtetuese. Ky është patriotizmi sot. Kjo është të jesh patriot.

LEXO EDHE:
Ka një mënyrë të kuptohet, nëse politika është peng i këtyre bandave që po arrestohen

Nuk po kërkon asnjë të marrim pushkët dhe të dalim malit, por mos të tradhtojmë Shqipërinë, mos ta shesim detin, të mos tradhtojmë Kosovën, të mos çojmë  në Hagë ata që janë luftëtarë të lirisë. Ky është  patriotizmi sot. Edhe në këtë pikë, për ju që sapo u anëtarësuat në PS, duhet të ndjeheni mirë, jeni bashkuar me familjen më patriotike të republikës së Shqipërisë”, tha Veliaj.

Lajmi kryesor:

Rama s'heq dorë nga raporti i 'Dick Marty': Lulëzim sqaro dosjen që përgatite për sajesën e Shtëpisë së Verdhë! Basha ndërron temë: Lëri lojërat politike, pse s'e hap COVID 4

/b.ha./Shqiptarja.com

TAG:
• edi rama
• Ilir Meta
• lulzim basha
• Dick Marty